2017-10-18 07:01:40 clouds 27o High | Kigali Rwanda

Dukurikire:
 
 

Umutoza wa Rayon Sports aracyafite icyizere cyo gusezerera Rivers United

Yanditswe na IMVAHO NSHYA

Kuya 2017-04-18 05:17:06

 
Share on:
 
Yasuwe:309
 
Yavuzweho:200
 
10
 
10

Tariki 22-04-2017: Rayon Sports-Rivers United (Amahoro-15h30)
Umukino ubanza: Rivers United 2-0 Rayon Sports

Ikipe ya Rayon Sports yatsinzwe umukino ubanza n’ikipe ya Rivers United yo muri Nigeria ibitego 2-0 mu mikino y’Afurika y’amakipe yitwaye neza iwayo “Total CAF Confederation Cup 2017.

Uyu mukino w’ijonjora rya nyuma mbere yo kujya mu matsinda wabereye muri Nigeria mu mujyi wa Port Harcourt tariki 16 Mata 2017, Rivers United yari iri iwayo itsinda ibitego bibiri bya Emeka Francis Atuloma na Kuemian Venance.

JPEG - 216.7 kb
Umukinnyi wa Rayon Sports, Nshuti Xavio ahanganye n’uwa Rivers United

Nyuma y’uyu mukino, umutoza wa Rayon Sports Masudi Djuma yatangaje ko agifite icyizere cyo kuba yasezerera iyi kipe ya Rivers United.

Yagize ati “Mu mupira bibaho, iminota 90 muri Nigeria twatsinzwe ariko mu yindi 90 isigaye tuzakinira iwacu natwe twatsinda”.

Yakomeje agira ati “Tugiye gutegura umukino turebe ko twakomeza, kuko Rivers United twabonye uko ikina aho ikomeye n’aho yoroshye, icyo tuzakora ni ugukosora amakosa twakoze”.

Umutoza wa Rivers United, Stanley Eguma yatangaje ko bifuzaga gutsinda ibitego byinshi ariko ko ibitego 2-0 yatsinze bimuhagije.

Akaba yavuze ko bagomba no gushaka uko bitwara neza mu mukino wo kwishyura i Kigali. Yanavuze ko ikipe ya Rayon Sports ari ikipe nziza kandi ikomeye.

Rayon Sports irasabwa intsinzi y’ibitego bitatu
Umukino wo kwishyura uzabera kuri Sitade Amahoro tariki 22 Mata 2017. Rayon Sports irasabwa gutsinda ibitego 3-0 cyangwa se 2-0 hakitabazwa penaliti.

Umutoza Masudi avuga ko byose mu mupira bishoboka aho yatanze urugero rwa Barcelone isezerera PSG yo mu Bufaransa mu mikino y’amakipe yabaye aya mbere iwayo ku mugabane w’u Burayi.

Mu mukino wo kwishyura, Rayon Sports ntabwo izaba ifite MughenI Fabrice kubera amakarita 2 y’umuhodo.

Masudi ati “Nta kibazo kizaba, ba Master barahari, Shassir azaba yagarutse”. Uyu mutoza kandi yanemeje ko bagomba kuzakinisha abakinnyi benshi basatira izamu.

Uwo mukino uzayoborwa n’umusifuzi wo hagati, Norman Matemera akazaba yungirijwe na Thomas Kusosa na Luckson Mharabose bakaba bakomoka muri Zimbabwe.

Amakipe 15 yamaze kubona itike yo mu matsinda

Tariki 16 Mata 2017 ni bwo hasojwe imikino y’amajonjora aho amakipe 15 yamaze kumenyekana hakaba hasigaye ikipe izakomeza hagati ya Rayon Sports na Rivers United.

Aya makipe ni MC Alger (Algeria), Recreativo do Libolo (Angola),TP Mazembe (RDC), Smouha (Misiri),CF Mounana (Gabon), Horoya (Guinea), FUS Rabat (Maroc), Platinum Stars, SuperSport United (South Africa),Al Hilal (Sudani), Mbabane Swallows (Swaziland), Club Africain, CS Sfaxien (Tunizia), KCCA (Uganda) na Zesco United (Zambia).

Tombola y’uko aya makipe azashyirwa mu matsinda izaba tariki 26 Mata 2017. Imikino yo mu matsinda izatangira tariki 12 Gicurasi isozwe ku itariki 07 Nyakanga 2017.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE