2017-06-25 13:58:23 clouds 27o High | Kigali Rwanda

Dukurikire:
 
 

Umutoza wa Kiyovu ntazi irengero rya Lomami na Muhindo

Yanditswe na IMVAHO NSHYA

Kuya 2016-09-17 13:14:01

 
Share on:
 
Yasuwe:1
 
Yavuzweho:200
 
10
 
10

Umutoza w’ikipe ya Kiyovu Sports, Kanamugire Aloys aratangaza ko atazi irengero rya ba rutahizamu bari bahetse iyi kipe muri shampiyona ya 2015-2016 ari bo Lomami Andre watsindiye Kiyovu Sports ibitego 14 mu mwaka ushize na Muhindo Jean Pierre ukomoka muri RDC akaba yari yaguzwe miliyoni 5 avuye mu ikipe y’Amagaju FC muri Nyakanga 2015.

Kanamugire, avuga ko aba bakinnyi bose atigeze ababona mu myitozo kuva yaba umutoza w’iyi kipe muri Nyakanga 2016. Kuri Muhindo, umutoza wa Kiyovu avuga ko yataye ikipe mu mpera za shampiyona ishize aza gushaka kugaruka muri Kanama 2016 gusa yanga kwandika ibaruwa isaba imbabazi nk’uko yabisabwaga n’ubuyobozi.

Kuri Lomami, umutoza yerekana ko nawe atazigera amukinisha ataramubonye mu myitozo.

Ati “Lomami kuba ataboneka sinzi ibibazo bye, twatangiye imyitozo adahari, kugeza n’uyu munsi ntarahagera. Kuba yaratsinze ibitego byinshi muri shampiyona y’umwaka ushize ntibyatuma twemeza ko gutsinda akibishoboye, tuzamwita umukinnyi wacu ari uko twamubonye ku kibuga”.

JPEG - 190.6 kb
Kanamugire

Hari amakuru yavugaga ko Lomami yagize uburwayi bw’ibibyimba, gusa Kanamugire akavuga ko atigeze abimumenyesha,ku buryo ni yo yaba ari kwivuza koko yaba abikora ku gitike kandi n’ikipe itaranze kumuvuza

Umutoza wa Kiyovu akavuga ko akeneye byibuze abakinnyi ba rutahizamu bashobora gusimbura aba babiri mu gihe baba batabonetse ariko yemeza ko 95% by’abakinnyi Kiyovu Sports izakoresha bamaze kuboneka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE