Advertisement
 
 
 
 
 
 
 
 

Siporo | Siporo Mu Rwanda

Umutoza wa Etincelles yagaragaje impamvu zatumaga batitwara neza   

  Yanditswe na BIZIMANA ERIC
 April 2016

 
 

Umutoza wa Etincelles, Seninga Innocent yagaragaje impamvu 3 zatumaga iyi kipe ititwara neza zanayiviriyemo gusoza imikino ibanza ya shampiyona n’amanota 8.

Aganira n’Imvaho Nshya, Seninga yavuze ko ikibazo cya mbere cyari imyitozo ngororamubiri idahagije. Akavuga ko yageragaje gukosora iki kibazo ahereye ku buhanga afite mu gutanga imyitozo ngororamubiri.

Ati "Mfite amahugurwa nahawe na FIFA mu byo gutegura abakinnyi. Hari uburyo bushya ndimo kubatoza bwo gukora ku mupira, si ngombwa kubirukansa imisozi. Nkurikije ibipimo mbona kuri ubu bari ku rwego rushimishije".

JPEG - 168.2 kb
Seninga Innocent , umutoza mushya wa Etincelles FC uvuga ko hari ibyo amaze guhindura mu ikipe bizatuma iva mu myanya y’inyuma

Impamvu ya kabiri y’umusaruro mubi ni uburyo abakinnyi binjiraga mu mukino, aho batsindwaga ibitego mu minota ya mbere y’umukino bakananirwa kubyishyura.

Seninga avuga ko yagerageje kubaganiriza no kubategura mu mutwe mu kwirinda ko bizasubira ukundi.

Ati "Ku mikino yose narebye, batsindwaga igitego mu minota ya mbere umukino ugitangira. Bigaragaza ko bajyaga mu mukino batazi icyo bashaka. Banatsinda kimwe kugihagararaho bikaba ikibazo. Bamaze kugikosora kuko nko ku mukino wa Police FC batubanje igitego turakishyura".

Icya nyuma cyari uburyo ikipe yari ishyigikiwe cyane cyane n’abaturage n’abandi bakunzi b’umupira bo mu mujyi wa Rubavu. Seninga yemeza ko basigaye bafite abantu benshi babashyigikira.

Etincelles FC irakina na APR FC

Ikipe ya Etincelles irakina na APR FC kuri Sitade ya Kigali i Nyamirambo uyu munsi taliki 15 Mata 2016 aho yemeje ko uza kuba ari ishiraniro cyane ko buri kipe ifite icyo iharanira.

Ati "Ntimwumve ko ari ikipe ya nyuma igiye gukina n’iya mbere ngo mucunge ko byoroshye. Bo bararwanira igikombe twe turarwana no kutamanuka. Ni umukino ufite agaciro”.

Abakinnyi bashya b’iyi kipe barimo Ndikumana Bodo na Kambale Salita Gentil bahoze muri Rayon Sports. Hari n’umunyezamu Ingabire Aimé Régis wahoze muri AS Kigali, Kikunda Masombwa Patrick wavuye muri Kiyovu, Gakuru Jean Claude na Habimana Hussein bavuye muri Mukura bose baragaragara kuri uyu mukino.

 

Comments

 
 
Byinshi ku mutoza Antoine Hey utarahiriwe ahandi, ariko witezweho ibitangaza mu Mavubi
Byinshi ku mutoza Antoine Hey utarahiriwe ahandi, ariko witezweho ibitangaza mu Mavubi

Kuva ku kane taliki 02 Werurwe 2017, umudage Antoine Hey ni we mutoza mushya w’ikipe y’igihugu ’’Amavubi’’ mu gihe cy’imyaka ibiri. Ni nyuma yo gutoranywa n’akanama karimo abo mu ishyirahamwe (...)

FERWAFA yahagaritse umusifuzi Uwikunda Samuel
FERWAFA yahagaritse umusifuzi Uwikunda Samuel

Ishyirahamwe ry’umupira w’amaguru mu Rwanda“FERWAFA”ryamaze guhagarika Uwikunda Samuel mu gihe cy’ukwezi kumwe kubera imyitwarire idakwiriye yagaragaje mu mukino APR FC yatsinzemo Mukura VS ibitego (...)

Imikino  y’ Amagaju na Gicumbi izerekana niba muri Espoir FC idafite ikibazo
Imikino y’ Amagaju na Gicumbi izerekana niba muri Espoir FC idafite ikibazo

Ikipe ya Espoir FC y’i Rusizi ikomeje gutsindwa umusubirizo nyamara yari yitwaye neza mu mikino ibanza ya shampiyona iyirangiza itsinzwe rimwe nabwo na APR FC i Rusizi mu mpera zayo. Espoir FC (...)

Imodoka  ebyiri z’Abanyarwanda zitabiriye irushanwa ryo gusiganwa muri Uganda
Imodoka ebyiri z’Abanyarwanda zitabiriye irushanwa ryo gusiganwa muri Uganda

Imodoka ebyiri z’ikipe yo gusiganwa kw’amamodoka ya Huye Motorsport zahagurutse mu Rwanda kuri uyu wa Kane taliki 02 Werurwe 2017 zerekeza muri Uganda aho zagiye kwitabira irushanwa i Kabale (...)

Rayon Sports  igiye kwitegura umukino wa  Onze Créateurs
Rayon Sports igiye kwitegura umukino wa Onze Créateurs

Ikipe ya Rayon Sports izakina n’ikipe Onze Créateurs yo muri Mali mu cyiciro cya kabiri cy’imikino y’amajonjora mu mikino y’Afurika y’amakipe yitwaye neza iwayo “Total CAF confederation Cup 2017”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.