2017-06-22 17:42:31 clouds 27o High | Kigali Rwanda

Dukurikire:
 
 

Umutoza wa AS Kigali yemeje ko bari mu bihe bibi

Yanditswe na IMVAHO NSHYA

Kuya 2016-04-29 09:25:36

 
Share on:
 
Yasuwe:2
 
Yavuzweho:200
 
10
 
10

Umutoza mukuru w’ikipe ya AS Kigali Nshimiyimana Eric yari yatangiye neza imikino ibanza ya shampiyona yemeje ko kuri uyu munota ikipe ye iri mu bihe bibi.

Ibi arabishingira ku kuba amaze imikino 7 adatsinda uhereye ku mukino wa Mukura yatsinzwemo ibitego 2-0, Police FC yamutsinze igitego 1-0, APR FC itsinda ibitego 3-1, iyi ikaba ari imikino isoza imikino ibanza ya shampiyona.

Mu mikino yo kwishyura AS Kigali yanganyije na Rwamagana City FC 0-0, inganya na Rayon Sports 1-1, inganya na Sunrise FC 0-0, umukino uheruka ku wa Gatatu taliki 27 Mata 2016 yatsinzwe na Gicumbi FC igitego 1-0.

JPEG - 160.9 kb
Umutoza wa AS Kigali wemeza ko iyi kipe iri mu bihe bibi ariko bizera kuzabivamo

AS Kigali iheruka kubona amanota 3 ubwo yatsindaga Etincelles FC ibitego 4-2 mu mukino w’umunsi wa 12 taliki 19 Gashyantare 2016.
Uyu mutoza avuga ko abakinnyi ba AS Kigali bamaze gutakaza icyizere nyuma yo kumara imikino myinshi badatsinda.

Ati "Ni ikibazo cyaje mu bakinnyi cyo kutigirira icyizere. Turacyishakisha kugira ngo turebe umukino twatsinda, kuko byadufasha gusubira uko twari tumeze. Mu mupira w’amaguru bibaho hari igihe mugera mu bihe bibi".

Nshimiyimana akomeza asobanura uko ibi bihe bibi abibona no mu bakinnyi.

Ati “Mu mutwe bataye icyizere kubera gutsindwa n’ubwo byasaba ibisobanuro byimbitse. Gusa kuva dutsindwa umukino wa mbere twari tumaze imikino 30 tunganya cyangwa dutsinda ariko kuva twatsindwa icyizere cyatuvuyemo".

Umutoza wa AS Kigali, Nshimiyimana Eric avuga ko muri iyi mikino yose bayitakazaga bakinnye neza ariko ntibagire amahirwe yo kubona igitego.

Iyi kipe ya AS Kigali irimo kurushwa amanota 12 na APR FC ya mbere ku rutonde rwa shampiyona, yemeza ko nta mahirwe yo gutwara igikombe n’ubwo bwose bari batangiye neza aho bakunze kuyobora urutonde rwa shampiyona cyane mu mikino ibanza.

Ubu iyi kipe iri ku mwanya wa 6 n’amanota 31. Mu mikino 19 imaze gukina yatsinze 8 inganya 7 itsindwa 4, yinjije ibitego 23 itsindwa 14 bivuze ko izigamye 9. Umukino w’umunsi wa 20 wa shampiyona, AS Kigali izakira AS Muhanga ejo taliki 30 Mata 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE