Advertisement
 
 
 
 
 
 
 
 

Siporo | Siporo Mu Rwanda

Umutoza wa AS Kigali yemeje ko bari mu bihe bibi   

  Yanditswe na BIZIMANA ERIC
 April 2016

 
 

Umutoza mukuru w’ikipe ya AS Kigali Nshimiyimana Eric yari yatangiye neza imikino ibanza ya shampiyona yemeje ko kuri uyu munota ikipe ye iri mu bihe bibi.

Ibi arabishingira ku kuba amaze imikino 7 adatsinda uhereye ku mukino wa Mukura yatsinzwemo ibitego 2-0, Police FC yamutsinze igitego 1-0, APR FC itsinda ibitego 3-1, iyi ikaba ari imikino isoza imikino ibanza ya shampiyona.

Mu mikino yo kwishyura AS Kigali yanganyije na Rwamagana City FC 0-0, inganya na Rayon Sports 1-1, inganya na Sunrise FC 0-0, umukino uheruka ku wa Gatatu taliki 27 Mata 2016 yatsinzwe na Gicumbi FC igitego 1-0.

JPEG - 160.9 kb
Umutoza wa AS Kigali wemeza ko iyi kipe iri mu bihe bibi ariko bizera kuzabivamo

AS Kigali iheruka kubona amanota 3 ubwo yatsindaga Etincelles FC ibitego 4-2 mu mukino w’umunsi wa 12 taliki 19 Gashyantare 2016.
Uyu mutoza avuga ko abakinnyi ba AS Kigali bamaze gutakaza icyizere nyuma yo kumara imikino myinshi badatsinda.

Ati "Ni ikibazo cyaje mu bakinnyi cyo kutigirira icyizere. Turacyishakisha kugira ngo turebe umukino twatsinda, kuko byadufasha gusubira uko twari tumeze. Mu mupira w’amaguru bibaho hari igihe mugera mu bihe bibi".

Nshimiyimana akomeza asobanura uko ibi bihe bibi abibona no mu bakinnyi.

Ati “Mu mutwe bataye icyizere kubera gutsindwa n’ubwo byasaba ibisobanuro byimbitse. Gusa kuva dutsindwa umukino wa mbere twari tumaze imikino 30 tunganya cyangwa dutsinda ariko kuva twatsindwa icyizere cyatuvuyemo".

Umutoza wa AS Kigali, Nshimiyimana Eric avuga ko muri iyi mikino yose bayitakazaga bakinnye neza ariko ntibagire amahirwe yo kubona igitego.

Iyi kipe ya AS Kigali irimo kurushwa amanota 12 na APR FC ya mbere ku rutonde rwa shampiyona, yemeza ko nta mahirwe yo gutwara igikombe n’ubwo bwose bari batangiye neza aho bakunze kuyobora urutonde rwa shampiyona cyane mu mikino ibanza.

Ubu iyi kipe iri ku mwanya wa 6 n’amanota 31. Mu mikino 19 imaze gukina yatsinze 8 inganya 7 itsindwa 4, yinjije ibitego 23 itsindwa 14 bivuze ko izigamye 9. Umukino w’umunsi wa 20 wa shampiyona, AS Kigali izakira AS Muhanga ejo taliki 30 Mata 2016.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.