Advertisement
 
 
 
 
 
 
 
 

Siporo | Siporo Mu Rwanda

Umutoza wa APR FC ntiyemera ko bakeneye rutahizamu udahusha   

  Yanditswe na BIZIMANA ERIC
 April 2016

 
 

Umutoza wungirije w’ikipe ya APR FC, Rubona Emmanuel asanga badakeneye rutahizamu cyane ko abo bafite bahagije.

Ibi yabisubije nyuma y’umukino w’umunsi wa 17 bamaze gutsinda Mukura ibitego 2-1 ariko bikagaragara ko bahushije n’ubundi buryo bwinshi b’ibitego.

Yagize ati “Kuba duhusha ntawe udahusha ibitego gusa turakomeza gukora imbere y’izamu nk’uko umutoza amaze iminsi abikora”.

Kuri rutahizamu mushya, Rubona yagize ati “Dufite ba rutahizamu benshi, usibye Issa Bigirimana hari Ndahinduka Michel dufite Mubumbyi Bernabe n’abandi”.

JPEG - 294.5 kb
Umutoza wungirije muri APR FC, Rubona Emmanuel (ibumoso) n’umutoza mukuru, Nizar Khanfir ku mukino wa Mukura (Foto Bugingo F)

Ikipe ya APR FC mu mikino itandatu iheruka yatsinzwemo ibiri itsinda ibiri inganya 2 kandi hose yahushije uburyo bwinshi. Urugero rufatika ku mukino wa Mukura, APR FC yahushije uburyo 10 bw’ibitego, hari kandi no ku mikino yombi yahuje APR FC na Yanga mu mikino y’Afurika naho hagaragaye uburyo bwinshi bwo gutsinda ibitego.

Kapiteni wa APR FC, Nshutinamagara Ismael Kodo yemera ko hari ikibazo gikomeye mu busatirizi, gusa avuga ko rutahizamu atari we ugomba gutsinda gusa ko n’umukinnyi wo hagati yatsinda.

Ati “Ni byo tubona amahirwe menshi imbere y’izamu ntituyabyaze umusaruro ariko umutoza asigaye akora ibishoboka kugira ngo arebe uko icyo kibazo cyakemuka”.

Uko APR FC yifashe mu kwinjiza ibitego

APR FC imaze gutsinda ibitego 23 muri shampiyona. Iranzi Jean Claude ni we uyoboye abu amaze gutsinda ibitego byinshi muri APR FC, afite 5 akurikiwe na Nkinzingabo Fiston ufite 4 na Bigirimana Issa watsinze ibitego bitatu.

Benedata Janvier, Bizimana Djihad, Bayisenge Emery na Sibomana Patrick bafite 2 naho Mubumbyi Barnabe, Ntamuhanga Tumaine Titi na Rwatubyaye Abdoul bafite igitego 1.

Sugira ashobora gusubira muri APR FC

Amakuru Imvaho Nshya ikesha umwe mu bayobozi bakuru b’iyi kipe avuga ko igisubizo ku kibazo cy’ubusatirizi ari ukugarura Sugira Ernest, rutahizamu w’ikipe y’igihugu Amavubi na AS Kigali yagiyemo asezerewe na APR FC.

 

Comments

Izina Ryanyu
IGITEKEREZO

 
 
Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Ku myaka 19  Nyirarukundo yageze mu ibihugu 20 akina  umukino wo gusiganwa
Ku myaka 19 Nyirarukundo yageze mu ibihugu 20 akina umukino wo gusiganwa

Nyirarukundo Salome umwari w’imyaka 19, ukina umukino wo gusiganwa ku maguru avuga ko impano afite yatumye agenda mu bihugu birenga 20, ahesha ishema u Rwanda. Nyirarukundo uvuka mu karere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.