2017-06-22 17:42:31 clouds 27o High | Kigali Rwanda

Dukurikire:
 
 

Umutoza wa APR asanga FERWAFA irimo kwica abakinnyi

Yanditswe na IMVAHO NSHYA

Kuya 2016-06-20 07:44:17

 
Share on:
 
Yasuwe:0
 
Yavuzweho:200
 
10
 
10

mutoza wa APR FC, Nizar Khanfir asanga Ishyirahamwe ry’umupira w’amaguru mu Rwanda “FERWAFA” riri gukabya mu gushyiraho gahunda y’imikino mu Rwanda.

Khanfir wageze muri APR FC muri Werurwe 2016 avuye muri Stade Gabesien yo muri Tuniziya asanga uburyo gahunda y’imikino iteye mu Rwanda inaniza bikomeye abakinnyi. Ahereye kuri uku kwezi abona bidashoboka ko ikipe yakina imikino itatu mu cyumweru kimwe.

Ati "Ni ikibazo gikomeye. Ntibisanzwe, kandi ibi ni ingenzi, abakinnyi ni ibiremwa muntu, nkanjye, nkamwe cyangwa se nka buri muntu. Gukina buri minsi itatu ! yego byashoboka ku mikino itatu ariko se no ku mikino 12, 15?"

JPEG - 217.5 kb
Umutoza wa APR FC, Nizar Khanfir atangaza ko FERWAFA irimo kwica abakinnyi kubera uburyo ipanga imikino

Arakomeza ati "Nkatwe tumaze gukina imikino itatu ya shampiyona, hagiye kuzaho imikino itandatu y’igikombe cy’amahoro, hakurikireho AS Kigali muri shampiyona. Ubwo tuzaba twujuje imikino 10, ibyo biragoye ku bakinnyi. Ikindi hari igihe dukinira ku bibuga bigoranye".

Khanfir asanga FERWAFA yitwaza ko CHAN 2016 yadindije gahunda ya shampiyona, nyamara bari kubishyira ku murongo ntawe bigizeho ingaruka.

Ati "Ndabyemeye CHAN 2016 yahinduye gahunda ya shampiyona, ariko ntibikwiye kuba impamvu zo kwica abakinnyi".

Ibi bije bisanga ibiheruka gutangazwa na Bizimana Abdoul Bekeni, umutoza w’Amagaju wanenze bikomeye kuba shampiyona yegeranye anongeraho ikibazo cy’uko mu Rwanda umukinnyi ufite amakarita abiri asiba umukino bitandukanye n’ahandi bisaba amakarita atanu.

Umutoza Bekeni yagize ati "Urabona, ni byiza shampiyona dukora yari iy’abatarabigize umwuga, ariko twamaze kuyigira iy’ababigize umwuga rimwe na rimwe urabizi ibibazo biba mu mupira wacu, abakinnyi baburaye, babwiriwe, barwaye.»

Yunzemo ati » Njye mbona rwose bashaka kuzatubihiriza shampiyona kuko dushobora kuzavunikisha abakinnyi n’umwaka utaha ugasanga tubuze abo dukinisha kuko bazaba baramugariye muri shampiyona imeze gutya. N’imodoka irirukanka ikajya mu igaraje, abakinnyi bararushye”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE