2017-12-11 14:03:29 clouds 27o High | Kigali Rwanda

Dukurikire:
 
 

Umutoza w’Amavubi yatangaje abo azajyana muri Centrafrique

Yanditswe na IMVAHO NSHYA

Kuya 2017-06-06 06:13:12

 
Share on:
 
Yasuwe:98
 
Yavuzweho:200
 
10
 
10

Umutoza w’Amavubi, Antoine Hey, yashyize ahagaragara abakinnyi 19 bazavamo 18 agomba kujyana i Bangui muri Centrafrique gukina umukino ubanza mu itsinda H mu gushaka itike ya CAN 2019.

Urwo rutonde rwashyizwe ahagaragara ejo hashize tariki 05 Kamena 2017 nyuma y’imikino ibiri Amavubi yakinnye n’ikipe y’igihugu ya Maroc. Iyi mikino ikipe y’u Rwanda yitwaye neza itsinda Maroc ibitego 2-0 mu mukino wa mbere naho uwa kabiri Amavubi atsinda ibitego 3-0.

Mu bakinnyi 25 bari barahamagawe mu myitozo, abakinnyi 6 ni bo basezerewe ari bo Rucogoza Aimable (Bugesera FC), Iradukunda Eric (AS Kigali), Mugisha Gilbert (Pepiniere FC), Mico Justin (Police FC), Niyonzima Ally (Mukura ) na Kalisa Rashid (MFK Topoľčany).

Abakinnyi 19 bagomba gukomeza imyitozo

JPEG - 107.2 kb
Umutoza w’ikipe y’igihugu, Antoine Hey

Aba bakinnyi ni Ndayishimiye Eric Bakame (Rayon Sports), Kwizera Olivier (Bugesera FC) na Nzarora Marcel (Police FC) nk’abanyezamu. Ba myugariro hari Rusheshangoga Michel, Imanishimwe Emmanuel, Nsabimana Aimable (APR FC), Manzi Thierry (Rayon Sports), Bayisenge Emery (KAC Kénitra).

Hari na Omborenga Fitina (MFK Topoľčany) na Nirisarike Salomon (Tubize FC). Mu bo hagati ni Mugiraneza Jean Baptiste Migi (Gor Mahia), Niyonzima Haruna (Young Africans), Nshuti Dominique Savio, Niyonzima Olivier Sefu (Rayon Sports), Iranzi Jean Claude (MFK Topoľčany) na Djihad Bizimana (APR FC) naho ba rutahizamu ni Usengimana Dany (Police FC), Sugira Ernest (AS Vita) na Tuyisenge Jacques (Gor Mahia).

Ku ya 08 Kamena 2017 ni bwo umutoza azatangaza abakinnyi 18 azajyana muri Central African , nyuma tariki 09 Kamena 2017 ikipe yerekere i Bangui mu gihe umukino uzaba tariki 11 Kamena 2017, ubere kuri Stade Barthelemy Boganda saa cyenda (15h00) akaba ari saa kumi ku isaha y’i Kigali (16h00).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE