Advertisement
 
 
 
 
 
 
 
 

Siporo | Siporo Mu Rwanda

Umutoza w’Amavubi yagiye kwiga mu Budage   

  Yanditswe na MURENGERANTWARI DOMINIQUE
 5 months ago

 
 

Umutoza w’agateganyo w’Amavubi akaba n’umuyobozi wa tekiniki wungirije mu ishyirahamwe ry’umupira w’amaguru mu Rwanda, Jimmy Mulisa ari mu gihugu cy’u Budage mu masomo mpuzamahanga yerekeye gutoza umupira w’amaguru mu rwego rw’icyiciro cya UEFA B.

Aya masomo yatangiye taliki ya 4 Nzeri azasozwa taliki 25Nzeri 2016, yateguwe kandi agaterwa inkunga n’ishyirahamwe ry’umupira w’amaguru mu Budage, abera mu kigo cyitwa Hennef Sports Centre muri icyo gihugu.

Mulisa yerekeje mu gihugu cy’u Budage ku Cyumweru taliki 04 Nzeri 2016 nyuma y’umukino Amavubi yanganyijemo na Ghana 1-1 mu marushanwa yo guhatanira itike ya CAN 2017.

JPEG - 194.9 kb
Jimmy Mulisa

Uyu mugabo w’imyaka 32 y’amavuko ni umwe mu rungano rw’abakinnyi bafashije u Rwanda kubona bwa mbere itike yo kwerekeza mu mikino ya nyuma y’igikombe cya Afurika mu 2004.

Aya masomo y’ibyumweru bitatu akubiyemo 50% by’inyigisho mu rurimi rw’Icyongereza. Impamyabushobozi azahakura ya UEFA B ihwanye na Licence A itangwa n’ishyirahamwe ry’umupira w’amaguru mu Budage. Aya masomo kandi ni imwe muri gahunda yateguwe ku bufatanye n’ishyirahamwe ry’umupira w’amaguru mu Budage n’ibiro bishinzwe abanyamahanga mu Budage.

Abatoza bo mu Rwanda bamaze kubona amahugurwa mpuzamahanga nk’ayogutoza harimo Nyinawumuntu Grace utoza ikipe y’igihugu y’abagore, Mashami Vincent utoza Bugesera FC, Seninga Innocent utoza Police FC, Hitimana na Thierry Casa Mbungo André.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.