Advertisement
 
 
 
 
 
 
 
 

Siporo | Siporo Mu Rwanda

Umutoza w’Amavubi arizeza ko hari abakinnyi bashobora kujya gukina hanze   

  Yanditswe na BIZIMANA Eric
 June 2016

 
 

Umutoza w’Amavubi Jonathan Mckinstry yahishuye ko hari abakinnyi 3 bazabona amakipe hanze y’u Rwanda ubwo isoko ryo kugura no kugurisha abakinnyi rizaba rifunguye.

Ibi yabivugiye mu kiganiro kihariye yagiranye n’Imvaho Nshya asubiza amagambo yatangajwe na Karekezi Olivier, wahoze ari kapiteni w’ikipe y’igihugu uheruka gutangaza ko ntacyo umutoza w’Amavubi akora kugira ngo afashe abakinnyi b’abanyarwanda kubona amakipe abagura yo ku mugabane w’uburayi kandi ari zimwe mu nshingano ze.

JPEG - 119.7 kb
Jonathan Mckinstry yemeza ko muri Nyakanga 2016 hari abakinnyi b’Abanyarwanda bashobora kujya gukina hanze y’u Rwanda

Mckinstry yavuze ko ibyatangajwe na Karekezi nta shingiro bifite kuko hari benshi mu bashaka abakinnyi bo ku mugabane w’uburayi yagiye yohereza za videwo z’abakinnyi mu bihugu nka Denmark, u Budage n’Afrika y’Epfo.

Mckinstry ati "Si ibintu nkunze gushyira hanze, ariko hari ugura abakinnyi bo muri Denmark waje kureba imikino ya shampiyona, anareba imwe mu mikino y’Amavubi. Hari uwo mu Budage wanyatse za Videwo za bamwe mu bakinnyi. Ndumva nta byumweru bitatu bishize mvuganye n’umuntu wo muri Afurika y’Epfo ananyaka imyirondoro na numero z’umwe mu bakinnyi bacu. Ibyacu ni ugufungura imiryango, ubundi umukinnyi akiyinjirira. Tugerageza gushaka ayo mahirwe, ariko abakinnyi ni bo bagomba kuyakoresha".

Mckinstry anemeza ko byanze bikunze hari abakinnyi batatu cyangwa se bane bazajya hanze y’u Rwanda muri Nyakanga 2016 aha ariko akirinda gutangaza amazina yabo.

Yagize ati "Nizeye ko muri Nyakanga 2016, ubwo isoko ryo kugura abakinnyi rizaba rifunguye, abakinnyi bigaragaje muri CHAN 2016 bazagenda , kuko twohereje za Videwo zabo muzababona basohoka bajya hanze y’u Rwanda.

Ntekereza ko abakinnyi batatu cyangwa se bane bazajya hanze , simbijeje ko bose bazajya i Burayi, harimo bamwe bazajya mu ma shampiyona ahemba neza muri Afurika y’i Burasirazuba, abandi mu Majyaruguru y’Afurika. Nahamya ko nka batatu bazajya kugerageza amahirwe yabo, nibabikora neza ni ibyabo kuko sinategeka amakipe gutakaza amafaranga yabo, bo bazakora ikibabereye".

Umutoza w’amavubi ariko ntahisha ko abakinnyi bo muri aka karere bafite amanota mabi ku mugabane w’u Burayi kuko benshi mu bashaka abakinnyi bahitamo kujya muri Afurika y’Uburengerazuba, gusa akizera ko nihaboneka umukinnyi ujya i Burayi akageragaza avuye mu Karere bizafungurira imiryango abandi.

Yagize ati "Mu Burayi , Afurika y’Uburasirazuba ihafite amanota mabi. Hari umwe mu bantu bakomeye bashaka abakinnyi buri Suwede, wa wundi wajyanye ba Victor Wanyama (umunya Kenya ukinira Southampton mu Bwongereza), namusabye kuza mu Rwanda muri CHAN 2016 , aransubiza ngo Coach nta bakinnyi baba muri Afurika y’i Burasirazuba, ariko muri Ghana, Nigeria baruzuye!

Urumva ko abakinnyi bacu bafite amanota mabi ariko dukwiye kubihindura, tukohereza umukinnyi umwe cyangwa babiri bakitwara neza cyane, bityo bigahinduka".

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.