2017-11-17 14:59:33 clouds 27o High | Kigali Rwanda

Dukurikire:
 
 

Umutoza w’Amavubi afite icyizere cyo kwitwara neza i Bangui

Yanditswe na IMVAHO NSHYA

Kuya 2017-06-09 09:43:57

 
Share on:
 
Yasuwe:110
 
Yavuzweho:200
 
10
 
10

Ikipe y’igihugu “Amavubi “ irerekeza i Bangui muri Centrafrique uyu munsi tariki 09 Kamena 2017 aho igiye gukina umukino wa mbere mu itsinda H mu rwego rwo gushaka itike ya CAN 2019 izabera muri Cameroun.

Mbere yo guhaguruka mu Rwanda yerekeza i Bangui, umutoza w’Amavubi, Antoine Hey yatangaje ko biteguye neza kandi bafite ishyaka ryo kwitwara neza.

Amavubi azakina n’ikipe y’igihugu ya Central Africa Republic tariki 11 Kamena 2017 kuri Sitade Barthélemy Boganda, saa cyenda (15h00), saa kumi ku isaha y’i Kigali (16h00).

JPEG - 357.8 kb
Ubwo abakinnyi bari mu myitozo ya nyuma bitegura kwerekeza i Bangui

Umutoza akaba yaratangaje ko uyu mukino utazaba woroshye uzabasaba gukoresha ingufu nyinshi kuko uzaba ari umukino wa mbere mu itsinda.

Ikipe ya Centrafrique imaze iminsi yitegura bikomeye uyu mukino ndetse na Leta yabashyiriyeho agahimbazamushyi nibaramuka batsinze Amavubi.
Iyi kipe mu mikino mpuzahamanga iheruka gukina muri 2016 yitwaye neza itsinda Madagascar na Angola nyuma itsindwa na RDC. Naho ikipe y’u Rwanda umwaka ushize yatsinzwe na Senegali umukino wa gicuti itsindwa na Mozambique inganya na Ghana.

Ubu aya makipe ku rutonde ngarukakwezi rwa FIFA asa n’ari ahantu hamwe kuko u Rwanda ruri ku mwanya wa 128 naho Central Africa Republic iri ku mwanya wa 129.

Ikipe y’u Rwanda yitwaye neza yabona itike ya CAN 2019

Nk’uko byari bimeze umwaka ushize wa 2016 ubwo habaga imikino yo gushaka itike ya CAN 2017, ikipe y’u Rwanda yashoboraga kuzamuka mu makipe ya kabiri yitwaye neza mu itsinda ariko habaho uburangare. Kuri ubu na bwo birashoboka ko Amavubi yabona itike ya CAN aheruka muri 2004.

Ikipe y’u Rwanda iri mu itsinda H hamwe na Cote d’Ivoire, Central Africa Repubic ndetse na Guinea. Iyi kipe iramutse yitwaye neza igatsinda uyu mukino wa mbere byaba ari intangiriro nziza kuko yaba isabwa nibura andi manota 9 mu mikino 5 yaba isigaye.

Abakinnyi 18 berekeje i Bangui

Abanyezamu: Ndayishimiye Eric Bakame (Rayon Sports) na Nzarora Marcel (Police FC)

Myugariro: Rusheshangoga Michel, Imanishimwe Emmanuel, Nsabimana Aimable (APR FC), Manzi Thierry (Rayon Sports), Bayisenge Emery (KAC Kénitra), Omborenga Fitina (MFK Topoľčany) na Nirisarike Salomon (Tubize FC).

Hagati: Mugiraneza Jean Baptiste Migi (Gor Mahia), Niyonzima Haruna (Young Africans), Nshuti Dominique Savio, Niyonzima Olivier Sefu (Rayon Sports), Iranzi Jean Claude (MFK Topoľčany) na Djihad Bizimana (APR FC)

Rutahizamu: Usengimana Danny (Police FC), Sugira Ernest (AS Vita Club) na Tuyisenge Jacques (Gor Mahia).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE