Advertisement
 
 
 
 
 
 
 
 

Siporo | Siporo Mu Rwanda

McKinstry, wari umutoza w’Amavubi, asanga Abanyarwanda ari indashima   

  Yanditswe na BIZIMANA Eric
 5 months ago

 
 

Jonathan Mc Kinstry wari umutoza w’ikipe y’igihugu Amavubi, asanga ntako atagize ngo ateze imbere iyi kipe ariko akababazwa n’uko ibyo yakoze benshi babihindura impfabusa.

Mu kiganiro n’Imvaho Nshya yavuze ko ku bwe yakoze ibishoboka kugira ngo yitware neza mu gushaka itike ya CAN 2017, muri CHAN 2016 no muri CECAFA 2016.

Ati ’’Mu myaka 8, CHAN 2016 ni ryo rushanwa u Rwanda rwitwayemo neza. Icya kabiri; Usibye muri 2004, nta kindi gihe u Rwanda rwitwaye neza mu matsinda yo kujya CAN kuruta aho twari tugeze, muri CECAFA, usibye mu 1999 nta kindi gihe u Rwanda ruritwara neza birenze hariya.”

Ntiyiyumvisha uburyo hari abavuga ko yatanze umusaruro muke.

Yagize ati”Sinzi icyo muheraho muvuga ngo ni umusaruro muke, by’umwihariko utirengagije ko mwakuyemo abakinnyi bahawe ubwenegihugu ugatangira kubaka ikipe nshya y’abana b’abanyarwanda”.

JPEG - 270.9 kb
Uwari umutoza w’Amavubi, McKinstry

Minisiteri y’umuco na Siporo “MINISPOC” yatangaje ko yahagaritse Mckinstry, imuziza umusaruro muke.

Ushinzwe amakipe y’ibihugu muri MINISPOC, Rurangayire Guy yabwiye Imvaho Nshya ko Mckinstry yirukanwe azira kutajyana Amavubi mu gikombe cya Afurika “CAN 2017” aho u Rwanda ruri ku mwanya wa kabiri mu itsinda H n’amanota 6.

Rurangayire yagize ati ’’Yasezerewe kandi ni ibisanzwe, icyo yazize ni umusaruro, intego twari dufite tutazigezeho. Iza mbere zari ukutujyana mu gikombe cy’Afurika’’.

Rurangayire yahakanye amakuru yavugaga ko MINISPOC itanyuzwe n’ibisobanuro byatanzwe na Mckinstry ku mpamvu zo gusubira inyuma kw’Amavubi ku rutonde rwa FIFA.

Yongeyeho ko mu gihe kiri imbere haza kumenyekana umusimbura. Gusa hari amakuru avuga ko abatoza barimo Kanyankore Gilbert wa APR FC na Nshimiyimana Eric wa AS Kigali aribo bazahamagara Amavubi azajya mu mwiherero taliki 23 Kanama 2016 yitegura umukino wa nyuma mu itsinda H uzahuza Amavubi na Ghana taliki 03 Nzeli 2016 mu gushaka itike ya CAN 2017.

Jonathan Mckinstry yari yahawe akazi kuya 17 Werurwe 2015 asimbuye umwongereza Stephen Constantine, kuya 22 Werurwe 2016 aza kongerererwa amasezerano y’imyaka ibiri yagombaga kumugeza muri 2018.

McKinstry yari asanzwe ahembwa ibihumbi 10 by’amadolari buri kwezi, asaga miliyoni 7 mu mafaranga y’u Rwanda. Mu minsi yari amaze atoza Amavubi, yatoje imikino 28, atsindamo 9 anganya 6 atsindwa imikino 13.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rayon Sports yasobanuye impamvu abakinnyi bayo baje muri za V8 ku mukino na APR FC
Rayon Sports yasobanuye impamvu abakinnyi bayo baje muri za V8 ku mukino na APR FC

Ubuyobozi bw’ikipe ya Rayon Sports bwagaragaje icyihishe inyuma y’imodoka za Land Cruiser VX zizwi nka V8, zizwiho kugendamo abanyacyubahiro zaje zitwaye abakinnyi bayo mu mukino batsinzwemo na (...)

CAN 2017: Twize isomo rikomeye - Umutoza Micho
CAN 2017: Twize isomo rikomeye - Umutoza Micho

Umutoza w’igihugu cya Uganda, Milutin ’Micho’ Sredojevic yemeza ko bigoye kwakira ko basezerewe ku munota wa nyuma mu mikino y’igikombe cy’Afurika “CAN 2017” irimo kubera muri Gabon. Ikipe y’igihugu (...)

Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.