2017-08-16 13:12:06 clouds 27o High | Kigali Rwanda

Dukurikire:
 
 

Umutoza Masudi yagaye abafana ba Rayon Sports

Yanditswe na IMVAHO NSHYA

Kuya 2016-07-12 08:08:44

 
Share on:
 
Yasuwe:7
 
Yavuzweho:200
 
10
 
10

Umutoza wa Rayon Sports, Masudi Juma, yanenze abafana b’iyi kipe ko baza kureba umupira ari uko iri mu bihe byiza gusa, nyamara yatsindwa gato ntihagire uwongera kugaragara ku kibuga.

Mu mpera z’icyumweru gishize taliki 10 Nyakanga 2016 habaye imikino ya shampiyona y’ibirarane aho Rayon Sports yasoje ifite abakinnyi 10 nyuma yo guhabwa ikarita y’umutuku kwa Ismaila Diarra.

Icyo gihe yatsinze Kiyovu ibitego 2-0, Police FC itsinda Marines ibitego 2-0 naho Etincelles FC itsinda Bugesera ibitego 3-0.

Umukino wa Rayon Sports na Kiyovu wari witezwe ko uri burebwe n’abafana benshi kubera aya makipe ahangana ndetse n’ikipe ya Rayon Sports ikaba igira abafana benshi ariko si ko byagenze kuko hari mbarwa.

Nyuma y’uyu mukino, umutoza Masudi yagaye abafana agira ati “Twari twababwiye ngo baze ariko ntibaje, abafana ba Rayon Sports nawe urabazi, iyo udatsinze ntibaza ariko ubwo si ubufana kuko mu mupira w’amaguru gutsindwa, gutsinda no kunganya bibaho bagomba kubyemera”.

Yakomeje agira ati “ Muri Afurika ni ko tumeze ahandi ikipe iratsindwa ariko abafana bakayigumaho”

JPEG - 166.1 kb
Masudi Juma wagaye abafana ba Rayon Sports batererana ikipe kuko yatsinzwe kandi mu mupira w’amaguru na byo bigomba kubaho

Rayon Sports yari yashyizeho gahunda yo gushaka amafaranga yo guha abakinnyi bamwe na bamwe bagiye gusoza amasezerano nka Kwizera Pierrot ariko kuko iyi kipe yatsinzwe umukino uheruka w’ikirarane na AS Muhanga, abafana ntibaje.

Masudi yagize ati “Ubu nibagenda uzasanga bavuze ko abakinnyi babo bagiye kandi bafite amafanga banze kuza kuyatanga”.

Ikipe ya Rayon Sports yagumye ku mwanya wa kabiri n’amanota 60 ikaba isigaje umukino izakina na Espoir FC ejo taliki 13 Nyakanga 2016 ndetse n’uwa Musanze FC ari nawo uzasoza shampiyona taliki 17 Nyakanga 2016.

Umutoza Masudi Juma yavuze ko abakinnyi bikosoye kuko yababwiye ko iyo udatsinze muri Rayon Sports ntacyo ubona.

Masudi yavuze ku ishusho ya shampiyona 2015-2016

Uyu mutoza waciye mu makipe atandukanye akomeye mu Rwanda arimo APR FC, Kiyovu na Rayon Sports nk’umukinnyi yavuze ko ubu abakinnyi bari ku rwego rwo hasi.

Ati “Kuba nta banyamahanga benshi hari abakina mu cyiciro cya mbere bataragera ku rwego, urugero hari nk’uwanyuze mu cyiciro cya kabiri umwaka umwe, mu cyiciro cya mbere si aho gukina umwana , bose bari kuzamukira rimwe wenda mu myaka ibiri bazaba bamaze kumenyera”.

Umutoza Masudi Juma yavuze ko uretse ibibazo baciyemo, Rayon Sports yitwaye neza muri uyu mwaka wa 2015-2016. Asanga kandi umukinnyi witwaye neza kurusha abandi ari Kwizera Pierrot.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE