Advertisement
 
 
 
 
 
 
 
 

Siporo | Siporo Mu Rwanda

Umuryango wa Rayon Sports ugiye gutangiza umushinga uzarandura ubukene   

  Yanditswe na MURENGERANTWARI DOMINIQUE
 2 months ago

 
 

Nyuma y’amezi atanu butowe, ubuyobozi bw’Umuryango wa Rayon Sports bugiye gutangiza umushinga uzarandura ubukene bwakomeje kuvugwa mu ikipe y’umupira w’amaguru ya Rayon Sports.

Ni umushinga wo kubarura abakunzi ba Rayon Sports bo mu gihugu no hanze, hakurikijwe akarere barimo. Uyu mushinga uzakorwa na Kampani ya TIT Africa, aho buri mu mukunzi Rayon Sports uzajya ushyirwa muri ubu buryo “Système” agahitamo amafaranga yiyemeje gutanga, anerekwe inzira azajya abinyuzamo.

Umunyamabanga w’umuryango wa Rayon Sports, Musabende Claudine yabwiye Imvaho Nshya mu kiganiro kirambuye ko uyu mushinga wamaze kurangizwa ukazanamurikwa bidahindutse aho biteganyijwe ko byaba ku wa Gatandatu taliki 01 Ukwakira 2016.

JPEG - 253.8 kb
Rayon Sports igiye gushyira ahagaragara umushinga wo kubyaza umusaruro abafana bayo

Musabende yemeza ko uyu mushinga ufitiye inyungu abanyamuryango b’iyi kipe, kuko ari imwe mu nzira zo kurandura ubukene bw’akarande muri Rayon Sports. Musabende.

Yagize ati ’’TIT Africa izadufasha kubarura abafana bose habemo n’abagira icyo biyemeza, habe harimo n’ingengo y’imari ya Rayon Sports ku buryo umufana yavuga ati niyemeje gutanga wenda 2% ni urugero. Ubu buryo hazajya hifashishwa ubutumwa bugufi yibutswa ko hari icyo yiyemeje bitewe n’ibyo yahisemo kugira ngo atabyibagirwa”.

Yakomeje agira ati ’’Inyungu ya mbere ni uko ari ahantu tuzakusanyiriza inkunga za Rayon Sports. Icya kabiri ni uko tuzaba dufite ikusanyirizo ry’amakuru “Database” ku bafana batari mu cyuka. Nk’ubu ngubu ushobora kumbaza ngo mufite abafana bangahe? sinshobora kubona umubare nkubwira. Nagusubiza ko buri gihe Sitade iba yuzuye aba Rayon. Icyo gihe ariko tuzaba tuzi tuti muri Kicukiro tuhafite abafana tuvuge ibiuhumbi 5. Kumenya aya makuru bizatubyarira inyungu kuko nk’umuterankunga uzaba ukeneye ko ibicuruzuzwa bye bimenyekana azaba azi ngo ngiye gufatanya n’aba Rayon bangana gutya”.

Urubuga rwa Rayon Sports rurasubiraho mu gihe kitarenze icyumweru

Mu gihe rwari imaze umwaka idakora, urubuga rwa interineti rwa Rayon Sports rugiye kugaruka nk’uko umunyamabanga w’umuryango yabibwiye Imvaho Nshya. Gusubizaho uru rubuga bije mu gihe hari hatekerejwe umushinga mugari wo gukora iyamamaza rinyuze mu mashusho ryari kuzajya rifasha kumenyekanisha abakinnyi n’ibikorwa bya Rayon Sports.

Umunyamabanga w’umuryango avuga ko babaye batangije uru rubuga mu gihe bagitegereje ko uyu mushinga usubirwamo.

Musabende yagize ati ’’Uwo twari gukorana ntitwabashije kurangizanya. Naho urubuga ntibirenza icyumweru rudatangiye kandi naho ni ahantu tuzabyariza inyungu’’.

Inama y’inteko rusange ya Rayon Sports izaba taliki 09 Ukwakira 2016
Umunyamabanga w’umuryango wa Rayon Sports yaboneyeho kuvuga ko iyi mishinga izamurikirwa abanyamuryango mu nama y’inteko rusange y’umuryango izaba taliki 09 Ukwakira 2016. Iyi nteko rusange izasuzuma imigendekere y’umwaka w’imikino ushize inafate imigambi y’umwaka w’imikino wa 2016-2017 kuri Rayon Sports FC na Rayon Sports VC.

Hari abaketse ko amasezerano ya Skol na Rayon Sports atazongerwa

Umunyamabanga wa Rayon Sports, Musabende yanaboneyeho kumara impungenge abibazaga impamvu Rayon Sports yakinye irushanwa rya ’’AS Kigali Pre-Season Tournament 2016’’ itambaye imyenda yayo iriho ikirango cya “SKOL” amasezerano y’iyi kipe n’uyu muterankunga atazongerwa.

Musabende yasobanuye ko kuba Rayon Sports itari yambaye Skol byatewe n’uko imyenda y’uyu mwaka itari yakageze mu Rwanda.

Musabende yagize ati ’’Amasezerano yabo ya mbere ntararangira ndetse nta kibazo dufitanye nabo. Gukina batambaye Skol ni ikibazo cy’imyenda. Kuko ,bagenda baduha imyenda buri mwaka, Imyenda irahari ni uko ikiri gukorwa; kandi ntibyari no mu marushanwa aterwa inkunga na Skol ubundi nta kibazo dufitanye na Skol’’.

Ku bijyanye no kuvugurura amasezerano, Musabende avuga ko ibiganiro bigikomeje n’ubwo ntacyo bari bageraho. Akomeza avuga ko icyo bifuza ari uko Skol izamura amafaranga itanga ahwanya na miliyoni 40 buri mwaka niba yifuza kuba umuterankunga wa mbere w’ikipe .

Akarere ka Nyanza bigeze he?

Umunyamabanga w’umuryango avuga ko bagejeje ku karere ka Nyanza ubusabe bwo gushyigikira ikipe ariko bidasabye ko gasubirana imicungire n’ubuzima bw’ikipe.

Ati ’’Akarere ntikakiba mu micungire y’ikipe nk’uko byari bimeze cyera. Nako hari ibyo twabasabye ko kadufashamo nabo ntibaradusubiza wenda baracyabyigaho’’. Musabende avuga ko Rayon Sports izakomeza kuba i Kigali mu gihe hatarafatwa ingamba nshya.

Rayon Sports VC ntabwo ari umwana wibagirwanwe

Ikindi kibazo kireba umuryango wa Rayon Sports ni ikipe Volleyball “Rayon Sports VC” yahuye n’ibibazo by’amikoro bigeza n’aho bamwe batangira kuvuga ko ishobora kuba igiye gusenyuka. Musabende asubiza ko muri gahunda bafite zo gushaka amikoro nayo bayitekerezaho n’ubwo bataricarana n’ubuyobozi ngo babiganireho birambuye.

Yagize ati “Uko tubishoboye tuyigenera ingengo y’imari. Twifuza ko nayo urwego ruriho rwazamuka , gusa ntiturahura nabo ngo tuganire kugira ngo ibyo dutekereza tubihuze n’ibyabo. Ntitwayibagiwe rwose, gusa ikibazo cya Rayon Sports kiba ari amikoro”.

Icyifuzo cy’umuryango

Musabende asoza agira ati “Kuva twajyaho muri Mata 2016, ikipe y’umupira w’amaguru yatwaye igikombe cy’amahoro. Twagitwaye habayemo imbaraga nyinshi z’abafana. Turabashimira ku kuba baragiriye icyizere ubuyobozi bw’ikipe, bakabuba hafi bakanitanga”. Yakomeje asaba ko bakomeza kubaba hafi, babagira inama, bakomeze ubufatanye nabo no mu bindi bikorwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.