2017-06-24 05:01:57 clouds 27o High | Kigali Rwanda

Dukurikire:
 
 

Umuryango ikipe ya Mukura yatsinze ibitego 19-2 ugiye kuyitera inkunga

Yanditswe na IMVAHO NSHYA

Kuya 2016-03-24 11:55:01

 
Share on:
 
Yasuwe:5
 
Yavuzweho:200
 
10
 
10

Ubuyobozi bw’ikipe ya Mukura VS bwemeje ko buri mu biganiro n’umuryango ushamikiye ku matorerero ya Gikiristi w’abanya Irlande ya ruguru witwa “Fields of Life” nyuma y’umukino wa gicuti wahuje impande zombi kuri uyu wa Gatatu kuri Sitade Huye, urangira Mukura inyagiye iyi kipe ibitego 19 kuri 2.

Aganira n’Imvaho Nshya nyuma y’uyu mukino, Umunyamabanga mukuru wa Mukura VS Sheikh Habimana Hamdan, yatangaaje ko bakiganira ku bijyanye n’ubufatanye bwaba hagati y’impande zombi.

Ati "Haracyari kare gutangaza icyo bazadufasha, gusa turacyakomeza kuganira nabo. Kuba harimo abatoza bashobora kuduhugurira abacu, bakaba banaduha ibikoresho by’abatoza, bivuze ko tutazabura icyo tubakuraho".

JPEG - 116.1 kb
Abakinnyi ba Mukura VS bari kumwe n’abaturutse muri Irlande ya ruguru mbere y’umukino

Umukuru w’uyu muryango, Richard Sprat yabwiye Imvaho Nshya ko bamenye Mukura VS ubwo barimo mu bikorwa byo kubaka amashuri abanza n’ayisumbuye bakorera mu Rwanda no mu karere ka Huye by’umwihariko, bifuza no gukina umukino wa gicuti.

Sprat yavuze ko kuva bamenyanye n’ubuyobozi bw’iyi kipe, bagiye gukomeza kuganira ku cyo bafasha Mukura VS mu kuyiteza imbere.

Imvaho Nshya yamenye ko uyu muryango wifuza gukina umukino wo kwishyura na Mukura ukabera muri Irelande y’Amajyaruguru, nk’imwe mu nzira yo gushyigikira umubano bazagirana na Mukura, uzanazamo kuba babaha amafaranga yo gushigikira ibikorwa byayo.

Mukura yari isanganwe abafatanyabikorwa bane barimo Akarerere ka Huye, Volcano Express, Amazi ya Huye na Fahico Ltd.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE