2017-05-27 10:19:18 clouds 27o High | Kigali Rwanda

Dukurikire:
 
 

Umunya Mali uje mu igeragezwa muri Bugesera FC arasesekera i Kigali

Yanditswe na IMVAHO NSHYA

Kuya 2016-10-07 12:30:00

 
Share on:
 
Yasuwe:9
 
Yavuzweho:200
 
10
 
10

Mashami Vincent, umutoza wa Bugesera FC avuga ko rutahizamu ukomoka muri Mali utegerejwe n’iyi kipe aza kugera i Kigali kuri uyu wa gatanu aje gutangira igeragezwa.

Mashami yavuze ko ari umukinnyi barangiwe n’inshuti bakaba bifuza kureba niba ari umukinnyi mwiza wagira icyo abafasha kuko nta handi bari bakamubonye akina.

Mashami yabwiye Imvaho Nshya ko nibaramuka bamushimye, bazahita bamwongera ku rutonde batanze mu ishyirahamwe ry’umupira w’amaguru FERWAFA, kuko n’isoko ry’abakinnyi bo hanze rigifunguye.

JPEG - 172.6 kb
Umutoza wa Bugesera FC Mashami Vincent wemeza ko bategereje umunyamali ugiye kuza mu igeragezwa

Imvaho Nshya yifuje kumenya amazina y’uyu rutahizamu, maze Mbonigaba Silas, umunyamabanga mukuru wa Bugesera FC ayisubiza ko yitwa Philips naho irindi bakaza kurimenya ageze i Kigali, anongeraho ko yigeze gukina mu bihugu by’abarabu birimo na Misiri na Libya.

Bugesera FC ikaba inategura umukino wa gicuti na Sunrise uzabera i Nyagatare kuri iki cyumweru, muri gahunda ya Sunrise FC yo guhererakanya ububasha hagati ya komite yayoboraga Sunrise FC ikiri i Rwamagana na Komite nshya yayifashe igeze i Nyagatare.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE