Advertisement
 
 
 
 
 
 
 
 

Siporo | Siporo Mu Rwanda

Umukinnyi wa Mukura wafashwe ashaka gutorokera i Burayi yasubiye iwabo mu Burundi   

  Yanditswe na BIZIMANA ERIC
 April 2016

 
 

Umukinnyi wo hagati muri Mukura VS, Niyonzima Ally wafatiwe ku kibuga cy’indege cya Entebbe i Kampala muri Uganda ashaka kujya mu Budage, yasubiye mu Burundi ahari umuryango we.

Amakuru y’uyu musore yatangiye kumenyekana ku wa Gatanu taliki 22 Mata 2016, ubwo Mukura VS yahabwaga amakuru n’abantu bari i Kampala avuga ko hari umukinnyi wayo bari kubona i Kampala ku kibuga cy’indege, mu gihe shampiyona yari itararangira.

Amakuru Imvaho Nshya yaje kumenya avuga ko ubuyobozi bwa Mukura VS bwifashishije polisi mpuzamahanga (Interpol) kugira ngo imuhagarike, kuko yari agiye atwaye amafaranga baherukaga kumuha y’amasezerano mashya y’imyaka 2.

JPEG - 31.5 kb
Niyonzima Ally wakiniraga Mukura VS yasubiye i Burundi nyuma yo gufatwa agiye gutorokera i Burayi

Impamvu zo kujya mu Budage zatangazwaga kwinshi, bamwe bahihwisa ko umuryango we uri mu Budage wamufashije kubona Visa, umusaba kwishakira itike ari nayo mpamvu yari atwaye amafaranga yo kumugura nk’impamba n’itike y’urugendo. Hari n’abavugaga ko yashakaga kugenda nk’impunzi y’Umurundi.

Ku Cyumweru taliki 24 Mata 2016 nyuma y’umukino wa Mukura VS na Rwamagana, Okoko Godefroid utoza Mukura yemereye Imvaho Nshya ko Niyonzima yashatse gutoroka ntibimuhire.

Yagize ati" Yari afite imigambi ye, ntiyadusezeye gusa ngo yari agiye i Burayi. Nanjye ntiyansezeye”.

Yagaruwe mu Rwanda, akora imyitozo rimwe ayirangije ataha i Burundi

Ku wa Mbere taliki 25 Mata 2016 nimugoroba, Niyonzima yaje kugaruka i Huye, ejo hashize taliki 26 Mata 2016 yakoze imyitozo wenyine mu gitondo, nyuma habaye inama y’abakinnyi ba Mukura n’umunyambanga yari igamije ku gusuzuma ibibazo by’imyitwarire mibi birimo kuvugwa muri iyi kipe.

Mu myanzuro yafashwe harimo uvuga ko Niyonzima ahagaritswe kugeza hatanzwe amabwirizwa mashya, gusa asabwa guhita asubiza amafaranga yo kumugura yari asigaranye. Ikindi cyagezweho ni uko abakinnyi Hakizimana Muhadjiri na Kwizera Yves bari bahagaritswe, basabye imbabazi mu ruhame barababarirwa.

Niyonzima ntiyishimiye imyanzuro yafashwe n’iyi nama afata icyemezo cyo gutaha mu Burundi ahari umubyeyi we. Mu kiganiro n’Imvaho Nshya ari ku mupaka wa Kanyaru Haut yerekeza i Burundi, Niyonzima yavuze ko atashye ku mpamvu ze bwite adashaka kuvuga, anavuga ko ibindi bibazo dukwiye kubibaza ubuyobozi bwa Mukura VS.

Imvaho Nshya yavuganye na Nizeyimana Olivier, Perezida wa Mukura VS avuga ko byanze bikunze agomba kugaruza ibyo bamutanzeho.

Ati “Ni byinshi aturimo gusa turagerageza kubigaruza uko bishoboka. Hari uburyo duteganya kubikoramo".

Niyonzima yari yatorotse nyuma y’umukino wahuje Mukura VS na APR FC, taliki 20 Mata 2016, akimara gusimbuzwa mu gice cya kabiri yahise asohoka muri Sitade afata moto ajya kureba ibyangombwa bye atahana na APR FC ageze i Kigali afata imodoka ijya Kampala.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.