Advertisement
 
 
 
 
 
 
 
 

Siporo | Siporo Mu Rwanda

Uburasirazuba: Bagiye kubakirwa sitade eshatu bemerewe na Perezida Kagame   

  Yanditswe na BIZIMANA Eric
 April 2016

 
 

Minisiteri y’Umuco na Siporo “MINISPOC” yatangaje ko Sitade eshatu abaturage b’Intara y’i Burasirazuba bemerewe Perezida w’u Rwanda, Paul Kagame, zizatangira kubakwa mu mafaranga azava mu ngengo y’imari ya 2016-2017.

Izi Sitade zizubakwa i Nyamata mu karere ka Bugesera, mu murenge wa Kibungo mu karere ka Ngoma no mu mujyi wa Nyagatare.

Minisitiri w’Umuco na Siporo , Uwacu Julienne atangaza ko mu mwaka ushize bari bamaze kwiga ibikenewe kugira ngo zitangire kubaka hasigara ikibazo cy’ingengo y’imari yo gutangiza imirimo , kuko iyari ihari yahise ikoreshwa mu myiteguro yo kwakira CHAN 2016.

Ati "Umwaka ushize twafatanyije kureba icyiciro izo Sitade zaba ziriho, tureba ibikorwaremezo byaba birimo n’icyo bidusaba nk’amafaranga. Ntabwo byadushobokeye gutangira imirimo yo kuzubaka kubera imyiteguro ya CHAN 2016 n’ibindi bikorwa igihugu kiba gifite byose byatwaye ingengo y’imari itari nto. Icyiza ni uko uyu mwaka w’ingengo y’imari izatangira muri Nyakanga 2016 hari gahunda iteganyijwe kugira ngo dutangire twubake".

JPEG - 392.3 kb
Minisitiri Uwacu Julienne wemeza ko Sitade Perezida Kagame yemereye abaturage b’Uburasirazuba zigiye kubakwa (Foto Bugingo F)

Uwacu asaba abayobozi b’uturere kumva ko Sitade ari igikorwaremezo gikenewe mu guhuriza abaturage hamwe bitari mu mupira gusa ahubwo no mu gihe cy’inama n’ibindi birori byo kwidagadura nk’uko akarere ka Rulindo kabitangiye.
Biteganyijwe ko izi Sitade zizajya zubakwa mu byiciro bijyanye n’uko ubushobozi buzajya buboneka nk’uko Makombe Anastase, umunyamabanga w’intara y’i Burasirazuba yabibwiye Imvaho Nshya mu kiganiro kihariye bagiranye muri Nyakanga 2015.

Yagize ati "Twifuzaga ko hatangira kubakwa muri buri karere ikibuga cya miliyari n’igice, kizajya cyongererwa agaciro. Hazabanza gusiza no gufunga ikibuga, tunashyiremo ahantu hakira abantu ibihumbi 3, izajya yagurwa buhoro buhoro kuko bigoye kubonera rimwe miliyari 15 yakubaka imwe muri izi Sitade".

Muri Ngoma batangarije Imvaho Nshya ko bakoze inyigo ya Sitade izatwara miliyari 11 z’amafaranga y’u Rwanda.

Izi Sitade nizuzura zizavana mu bwigunge abaturage miliyoni 2 n’ibihumbi 600 batuye Intara y’Uburasirazuba ya mbere mu bunini mu zindi ntara n’ubuso bwa kilometero kare ibihumbi 9, ikaba nta Sitade n’imwe yagiraga.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.