Advertisement
 
 
 
 
 
 
 
 

Siporo | Siporo Mu Rwanda

U Rwanda rwiyemeje kwakira no kwitwara neza mu mikino ya gisirikare   

  Yanditswe na BIZIMANA Eric
 August 2016

 
 

U Rwanda rwiteguye kwakira no kwitwara neza mu mikino ya gisirikare ihuza ibihugu byo muri Afurika y’i Burasirazuba (EAC) ku nshuro yayo ya 10 izatangira kuri iki cyumweru taliki 07 Kanama kugeza 18 Kanama 2016.

Umuvugizi w’igisirikare cy’u Rwanda, Lt. Col. Ngendahimana, yasobanuye ko baraye batangiye kwakira abashyitsi bazitabira iyo mikino bagera kuri 500 bo bihugu bitanu bya EAC (U Rwanda, u Burundi, Uganda , Kenya na Tanzania).

Lt. Ngendahimana yanaboneyeho gusaba Abanyarwanda kuzaza ari benshi muri ibi birori bizaba binarimo ibigaragaraza umuco wa buri gihugu bikanagaragaza ubusabane n’imikoranire myiza mu basirikare b’ibihugu bya EAC.

Ati ’’Byose byarateganyijwe. Mbese imikino yarateguwe ku buryo buhagije, icyo dusaba abanyarwanda ni ukuyitabira ku bwinshi cyane cyane ko ibereye iwacu tukagaragariza abo bashyitsi ko tubishimiye, tukaba twishimiye umubano n’ibihugu bya EAC , tukishimira kwegerana kwacu tukanashyigikira ingabo zacu cyane ko kwinjira bizaba ari ubuntu’’.

U Rwanda ruzahagararirwa mu byiciro bitanu aribyo, umupira w’amaguru w’abagabo, Basketball y’abagabo, Handball y’abagabo , Netball y’abagabo no kwiruka mu bagabo n’abagore.

Biteganyijwe ko umupira w’amaguru uzajya ubera kuri Sitade Amahoro na Sitade ya Kigali, Basketball, Handball na Netbball nabyo bibere kuri Sitade Amahoro mu gihe gusiganwa bizabera kuri IPRC ya Kigali.

APR FC, izakina na Ulinzi ya Kenya ku mukino ubanza ku cyumweru taliki 07 Kanama 2016, yamaze gushyira ahagaragara urutonde rw’abakinnyi 21 izifashisha muri iyi mikino. Uru rutonde ntirugaragaraho abakinnyi bashya nka Ngabo Mucyo Freddy wavuye muri AS Muhanga na Mustafa Hassan Omar wavuye i Burundi.

Abakinnyi 21 bazakoreshwa

Mvuyekure Emery, Kimenyi Yves, Ngabo Albert, Rusheshangoga Michel, Imanishimwe Emmanuel, Rutanga Eric, Usengimana Faustin, Rugwiro Herve, Nsabimana Aimable, Yannick Mukunzi, Nshimiyimana Amrani, Djihadi Bizimana, Nkinzingabo Fiston, Maxime Sekamana, Hakizimana Muhadjili, Butera Andrew, Benedata Janvier, Twizerimana Onesme, Itangishaka Blaise, Habyarimana Innocent na Sibomana Patrick.

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.