2017-08-18 14:28:59 clouds 27o High | Kigali Rwanda

Dukurikire:
 
 

U Rwanda rwatashye nta mudali no mu mikino ya Paralempike 2016

Yanditswe na IMVAHO NSHYA

Kuya 2016-09-19 05:47:24

 
Share on:
 
Yasuwe:4
 
Yavuzweho:200
 
10
 
10

U Rwanda nta mudali rwavanye mu mikino ya Paralempike yasojwe, ku wa 18 Nzeri 2016 kimwe no mu mikino Olempike 2016 yabaye taliki 05-21 Kanama 2016.

Muri iyi mikino Paralempike 2016 yitabirwa n’abafite ubumuga, u Rwanda rwari ruhagarariwe n’ikipe y’abagore muri Sitting Volleyball ndetse na Muvunyi Hermas usiganwa muri metero 400 na 1500.

Ikipe ya Sitting Volleyball yari mu itsinda B hamwe USA, Irani n’u Bushinwa nta mukino n’umwe yabashije gutsinda. Iyi kipe yasoje ku mwanya wa 8 mu makipe 8 yitabiriye aho yatsinzwe na Canada amaseti 3-0 (25-21, 25-15 na 25-20) mu guhatanira umwanya wa 7-8.

Muvunyi Hermas wari witezweho umudali ntabwo byamugendekeye neza kuko nyuma yo kwitwara neza agatsinda amajonora muri metero 400 ku mukino wa nyuma ntabwo yasoje kuko yakuwemo nyuma yo gutana agakandagira mu mwanya “Racetrack” utari uwe.

JPEG - 125.3 kb
Aha ni aho Muvunyi yasiganwaga muri metero 1500

Muri metero 1500 yasoje ari uwa 5 aho yakoresheje iminota 4, amasegonda 5 n’ibice 19 mu gihe uwabaye uwa mbere ari we Nouioua Samir wo muri Algeria yakoresheje iminota 3, amasegonda 59 n’ibice 49 akaba yarakurikiwe na Emond David wo muri Uganda wakoresheje iminota 4 n’ibice 62 naho Roeger Michael wo muri Australia aba uwa 3 aho yakoresheje iminota 4, isogonda rimwe n’ibice 34.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE