Advertisement
 
 
 
 
 
 
 
 

Siporo | Siporo Mu Rwanda

U Rwanda rwaserukiwe mu mikino ngororamubiri muri Tanzania   

  Yanditswe na BUGINGO FIDELE
 April 2016

 
 

Ikipe y’u Rwanda mu ngimbi n’abangavu “Juniors” igiye kwitabira irushanwa muri Tanzania “East Africa Junior Athletics Championship 2016” rizatangira taliki 29 risozwe 30 Mata 2016.

Abakinnyi bagiye guserukira u Rwanda akaba ari abahungu 3 aribo Jean Myasiro Jean Marie Vianney (m 10 000), Sugira James (m 1500) na Nkejumuto Ildephonse (m 800).

Mu bakobwa hari Nyirarukundo Salome (m 5000), Nishimwe Beatha (m 1500), Uwambajimana Jeannette (m 5000) na Iribagiza Honorine (m 800).

JPEG - 121.3 kb
Nyirarukundo Salome uzitabira isiganwa muri Tanzania n’ubwo yamaze kubona itike yo kuzitabira shampiyona y’Isi

Iyi mikino nk’uko mu ishyirahamwe ry’imikino ngororamubiri mu Rwanda “FRA” babitangaza izafasha abakinnyi b’u Rwanda gushaka itike ya shampiyona y’Isi mu batarengeje imyaka 20 “IAAF World Junior Athletics Championships 2016” izabera muri Pologne kuva taliki 19 kugeza 24 Nyakanga 2016.

Muri aba bakinnyi 7 bagiye kwitabira iri rushanwa, 3 muri bo bamaze kubona itike yo kuzitabira iyi shampiyona y’isi mu batarengeje imyaka 20.

Aba ni umuhungu umwe, Myasiro Jean Marie Vianney uzasiganwa metero ibihumbi 10 akaba akoresha iminota 30, amasegonda 55 n’ibice 84, ibihe byasabwaga akaba ari iminota 31 n’amasegonda 10.

Abandi ni abakobwa babiri; Nishimwe Beatha usiganwa metero 1500 akaba akoresha iminota 4, amasegonda 21 n’ibice 38, ibihe bisabwa akaba ari iminota 4, amasegonda 28 n’ibice 20 na Nyirarukundo Salome usiganwa metero ibihumbi 5 akaba akoresha iminota 15, amasegonda 57 n’ibice 80 mu gihe ibihe yasabwaga ari iminota 16 n’amasegonda 40.

Abandi basigaye, Sugira James, Nkejumuto Ildephonse, Uwambajimana Jeannette na Iribagiza Honorine bakaba bagomba gushaka itike ibemereza kuzitabira iyi mikino ya shampiyona y’Isi.

Iyi kipe y’u Rwanda izahaguruka mu Rwanda ejo taliki 26 Mata 2016 izagaruka taliki 01 Gicurasi 2016.

 

Comments

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.