Advertisement
 
 
 
 
 
 
 
 

Siporo | Siporo Mu Rwanda

U Rwanda rwahagaritswe mu ihuriro mpuzamahanga ry’umukino wa Tennis   

  Yanditswe na NKOMEJE GUILLAUME
 July 2016

 
 

Ishyirahamwe mpuzamahanga ry’umukino wa Tennis “ITF” ryahagaritse u Rwanda kuko rutishyuye amafaranga y’ubunyamuryango mu gihe cy’imyaka 3 ishize.

Umuyobozi mukuru wa ITF, David Haggerty yatangaje ko u Rwanda ruhagaritswe mu ibaruwa yandikiye umuyobozi mukuru w’ishyirahamwe ry’umukino wa Tennis mu Rwanda “RTF” Kassim Ntageruka ku italiki 29 Kamena 2016 .

Ati “Muyobozi, tugendeye ku ngingo ya 4(d) y’itegeko rigenga iri huriro, twabamenyeshaga ko RTF ihagaritswe kuba umunyamuryango wa ITF, byahise bishyirwa mu bikorwa nk’uko byemerejwe mu nama rusange ngarukamwaka yabereye i Zagreb.”

JPEG - 39.4 kb
Kassim Ntageruka, Perezida wa RTF

Haggerty yongeyeho ko uretse kuba RTF itazitabira inama rusange n’irushanwa iryo ariryo ryose rya Tennis nta nkunga y’amafaranga ishobora guhabwa.

U Rwanda rufite umwenda ungana na miliyoni 14,248.00 z’amadorali ariko RTF ivuga ko yahise yishyura agera kuri miliyoni 5,082.00 z’amadorali ubwo yakiraga iyi baruwa taliki 29 Kamena.

ITF ivuga ko u Rwanda rugomba kwishyura uyu mwenda rwongeyeho amafaranga y’ubunyamuryango yo mu 2017 bitarenze mu Kwakira.

Umuyobozi wa RTF Kassim Ntageruka yabwiye The New Times ko iri shyirahamwe riri gukorana bya hafi n’abafatanyabikorwa kugira ngo babashe kubona aya mafaranga bazishyure muri Nzeri.

 

Comments

 
 
Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.