Advertisement
 
 
 
 
 
 
 
 

Siporo | Siporo Mu Rwanda

U Bubiligi: Rayon Sports izamurika igikombe cy’Amahoro   

  Yanditswe na BIZIMANA ERIC
 4 months ago

 
 

Abakunzi b’ikipe ya Rayon Sports batuye mu Bubiligi bateguye igikorwa bise ’’ “Rayon Sport Gala Night’’ cyo kumurika igikombe cy’amahoro iyi kipe yatwaye muri Nyakanga 2016 no gukusanya inkunga yo gushyigikira iyi kipe.

Iki gikorwa kizaba ku wa Gatandatu taliki 12 Ugushyingo 2016 i Labodega mu mujyi wa Bruxelles mu Bubiligi, nk’uko Sandrine Uwimbabazi Sadidi umunyamabanga mukuru wa Rayon Sports Europe yabibwiye Imvaho Nshya.

Rugero Jean Pierre, umuyobozi wa Rayon Sports yo mu Burayi, avuga ko bifuje guhurira hamwe bakishimira igikombe cy’amahoro nk’uko bari banabikoze mu 2013 bishimira igikombe cya shampiyona yari yatwaye muri uwo mwaka.

Ati: ’’ Rayon Sports Gala Night #Gikundiro Funds” igamije guhuza abahoze ari abakinnyi ba Rayon Sports n’andi makipe yo mu Rwanda, abanyamuryango n’inshuti zabo mu rwego rwo kumurika igikombe ikipe iherutse gutwara, ndetse hakazabaho n’umugoroba w’ubusabane.”

JPEG - 86.7 kb
Ikipe y’abahoze bakinira Rayon Sports

Nk’uko byanagenze mu 2013, iki gikorwa kizarangwa kandi n’umukino wa gicuti uzahuza abahoze bakinira Rayon Sports n’abari muri Kiyovu Sports uzatangira saa munani z’i Bruxelles.

Bamwe mu bakinnyi bazagaragaramo hari : Chrysostome Hitimana, Minko Michel, Aimé Dollar, Lisala Tanganyika, Ndiki Ben Sosa Kitala, Murangwa Eugène, Kalisa Claude, Mudeyi Nazaire, Muvara Valens, Idi Ibrahim, Marzuku Ibrahim, Mupenzi Léon, Boumedienne, Abdu Moussa, Said Luseya, Abdallah Razak, Liongola Guy, Juma Mosi, n’abandi.

Kuri Gahunda nyuma y’uyu mukino, hazaba igitaramo cy’abahanzi Kitoko Bibarwa na Jean Paul Samputu mu rwego rwo gukusanya iyo nkunga.

 

Comments

 
 
Umunyarwandakazi agiye  gutangiza umukino mushya mu gihugu
Umunyarwandakazi agiye gutangiza umukino mushya mu gihugu

Umuyobozi wa komisiyo y’umupira w’amaguru w’abagore mu ishyirahamwe ry’umupira w’amaguru mu Rwanda “FERWAFA”, Rwemalika Felicite yatangije ibikorwa by’umupira w’amaguru ukinirwa ku mucanga uzwi nka (...)

Umutoza wa Rayon Sports n’uwa Marines FC bahanishijwe  gusiba umukino umwe
Umutoza wa Rayon Sports n’uwa Marines FC bahanishijwe gusiba umukino umwe

Masudi Djuma utoza ikipe ya Rayon Sports na Nduhirabandi Abdoul Karim “Choka” utoza Marines FC bahawe igihano cyo gusiba umukino umwe nyuma y’imyitwarire mibi bagize ku mukino w’umunsi wa 19 aho (...)

Rayon Sports  irerekeza  muri Mali
Rayon Sports irerekeza muri Mali

Ikipe ya Rayon Sports irerekeza i Bamako muri Mali, uyu munsi taliki 07 Werurwe 2017, aho igiye gukina na Onze Créateurs umukino ubanza mu mikino y’Afurika y’amakipe yitwaye neza iwayo “Total CAF (...)

Imodoka imwe y’u Rwanda ni yo yasoje isiganwa rya Kabale Rally 2017
Imodoka imwe y’u Rwanda ni yo yasoje isiganwa rya Kabale Rally 2017

Mu mpera z’icyumweru gishize, taliki 04-5 Werurwe 2017 imodoka ebyiri zo mu ikipe ya Huye Motorsport zitabiriye isiganwa muri Uganda “Kabare Rally 2017”. Imodoka imwe ni yo yarisoje indi igira (...)

Amagare : Abanyarwanda 6 bazahagararira u Rwanda muri Cameroun
Amagare : Abanyarwanda 6 bazahagararira u Rwanda muri Cameroun

Ikipe y’igihugu y’umukino w’amagare igizwe n’abasore batandatu izahaguruka i Kigali ku wa gatatu taliki 08 Werurwe 2017 yerekeje muri Cameroun mu irushanwa rya "Tour du Cameroun’’ rizatangira kuva (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.