Advertisement
 
 
 
 
 
 
 
 

Siporo | Siporo Mu Rwanda

Twubake Volleyball izira ingengabitekerezo ya Jenoside - Nkurunziza   

  Yanditswe na DUSINGIZIMANA REMY
 April 2016

 
 

Umuyobozi w’ishyirahamwe ry’umukino wa Volleyball mu Rwanda “FRVB”, Nkurunziza Gustave arakangurira abakunzi ba Siporo by’umwihariko abakunzi b’umukino wa Volleyball mu Rwanda kwirinda ingengabitekerezo ya Jenoside kuko umu “Sportif” mwiza ari ufite mu mutwe we iterambere no gukunda abandi.

Nkurunziza yatangarije Imvaho Nshya uko muri FRVB biteguye ibikorwa byo kwibuka ku nshuro ya 22 Jenoside yakorewe Abatutsi muri Mata 1994.

Ati “Nk’uko twabyemeje mu nama twagiranye na Komite Olempike y’u Rwanda tuzakora urugendo rwo kurwanya Jenoside n’ingengabitekerezo yayo dufatanyije n’andi mashyirahamwe y’imikino mu Rwanda aho tuzanashyira indabo ku mva z’abazize Jenoside ku Gisozi”.

JPEG - 716.1 kb
Perezida wa FRVB,asaba abakinnyi n’abakunzi ba Volleyball kutarangwamo ingengabitekerezo ya Jenoside (Foto Bugingo F)

Yakomeje avuga ko by’umwihariko muri Volleyball bateguye igikorwa cyo gutera inkunga umwe mu barokotse Jenoside ndetse nk’uko bimaze kumenyerwa hakaba hateganyijwe irushanwa ryo kwibuka rizaba mu ntangirizo za Kamena 2016 rikazitabirwa n’amakipe yo mu Rwanda n’ayo hanze y’u Rwanda.

Avuga ku mibare bafite y’abari abakinnyi, abatoza hamwe n’abakunzi ba Volleyball bazize Jenoside, Nkurunziza yavuze ko kugeza ubu bamaze kugira 50 . Ati “Nta mubare uhamye w’abazize Jenoside turabona ni yo mpamvu tugishakisha amakuru kugira ngo buri muntu wese wagize uruhare mu mukino wa Volleyball ahabwe icyubahiro akwiye”.

Hari icyo asaba umukinnyi wese wa Volleyball

Perezida wa FRVB, Nkurunziza yatangaje ko umukinnyi wa Volleyball akwiye kwitwara neza muri iki gihe cyo kwibuka ndetse no mu buzima busanzwe bwa buri munsi.

Ati “Umukinnyi wa Volleyball akwiye kuba umuntu wiyoroshya, ukunda abandi ikirenzeho akaba yiteguye kurwanya ingengabitekerezo ya Jenoside aho iva ikagera kuko turebye abagize uruhare mu iterambere rya Volleyball twabuze, iyo baba bakiriho tuba tugeze kure muri uyu mukino. Nta gushidikanya ubu natwe tuba turi mu bihangange ku Isi”.

Mu gusoza, Perezida wa FRVB, Nkurunziza yasabye buri wese ari abakinnyi ndetse n’abakunzi b’uyu mukino kubaka Volleyball izira ingengabitekerezo ya Jenoside kuko ntaho uyu mukino wagera wubakiwe kuri yo.

Yanasabye abakunzi ba Volleyball kwitabira gahunda za Leta nko kujya mu biganiro no gufasha abarokotse Jenoside batishoboye.

 

Comments

 
 
Dusigaje byibura gutsinda imikino itandatu tugatwara igikombe-Masudi
Dusigaje byibura gutsinda imikino itandatu tugatwara igikombe-Masudi

Nyuma gutsinda Sunrise FC mu mukino w’ikirarane ibitego 3-1, Rayon Sports yakomeje kuyobora urutonde rwa shampiyona n’amanota 52 ishyiraho ikinyuranyo cy’amanota 11 hagati yayp na APR FC iri ku (...)

Intumwa ya FIFA yaje kureba aho kubaka Hotel ya FERWAFA bigeze
Intumwa ya FIFA yaje kureba aho kubaka Hotel ya FERWAFA bigeze

Intumwa y’Ishyirahamwe ry’umupira w’amaguru ku Isi “FIFA”, Daniel Krebs, ushinzwe ibijyanye n’ibikoresho na gahunda y’ibikorwa bibyara inyungu yagiriye uruzinduko mu Rwanda. Ishyirahamwe ry’umupira (...)

Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.