Advertisement
 
 
 
 
 
 
 
 

Siporo | Siporo Mu Rwanda

Tuyisenge yahishuye impamvu adatsinda ibitego mu ikipe y’igihugu   

  Yanditswe na BIZIMANA ERIC
 31 May

 
 

Rutahizamu w’ikipe ya Gor Mahia yo muri Kenya n’ikipe y’igihugu “Amavubi”, Tuyisenge Jacques yatangaje ko nta kibazo aterwa no gukinishwa ku ruhande mu Mavubi, bitandukanye no muri Gor Mahia aho akina nka rutahizamu w’imbere.

Ibi arabivuga nyuma y’uko imibare igaragaza ko kuva yagera muri Gor Mahia muri Gashyantare 2016 amaze gutsinda ibitego 6 mu mikino 8 nyamara mu Mavubi yaratsinze igitego kimwe mu mikino 6, iki gitego kikaba ari icyo mu mukino wa gicuti w’u Rwanda na RDC muri Mutarama 2016.

Tuyisenge ahamya ko umukinnyi ukomeye akina neza ku mwanya wose bamushyizeho.

Ati "Nta mukinnyi ufite umwanya umwe mu kibuga, turabibona n’abakinnyi b’i Burayi uyu munsi akina ahangaha ejo akajya ahangaha. Ugomba kumenyera ku mwanya wose bagushyiraho”.

JPEG - 469 kb
Tuyisenge Jacques muri Gor Mahia mu mikino 8 amaze gutsinda ibitego 6

Akomeza agira ati "Inshingano ngira ndi ku ruhande ziba zitandukanye n’iyo ndi imbere, sinavuga ko ntahishimira kuko nari maze iminsi mpakina. Ni byo njya mu Mavubi bakahankinisha ku ruhande najya muri Gor Mahia bakanshyira k’uw’imbere ntacyo bintwaye”.

Uyu musore uheruka gutorwa nk’umukinnyi mwiza mu kwezi Mata 2016 muri Kenya yanahishuye ko abakinnyi nka Nizigiyimana Kalim Mackenzi na Sibomana Abouba yasanze muri Gor Mahia aribo bamufashije kumenyera.

Ati "Ikintu cyamfashije ni uko nageze hariya mpasanga Abouba turaganira. Bambwira ko nje gusimbura abakinnyi bakomeye bahesheje iriya kipe igikombe. Bambwiye ko ngomba gukora cyane kugira ngo nsimbure abakinnyi batatu bagiye, gusa bansaba kwirinda kujya ku gitutu, bansaba gukina umupira wanjye, banambwira ko mu ikipe bakunda ibitego, ni yo ntajya ngaruka hagati gusa ngataha ntsinze bizaba bihagije".

Tuyisenge ari mu Rwanda aho ari kumwe n’Amavubi yitegura umukino na Mozambique wo gushaka itike ya CAN 2017, umukino uzaba taliki 04 Kamena 2016. Nyuma y’uyu mukino taliki 07 Kamena 2016 azahita asubira muri Kenya.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.