Advertisement
 
 
 
 
 
 
 
 

Siporo | Siporo Mu Rwanda

Tour du Rwanda 2016 yadusigiye amasomo menshi – Meya Harelimana   

  Yanditswe na BAHUWIYONGERA SYLVESTRE
 4 months ago

 
 

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye no gutegura urubyiruko rufite impano zinyuranye muri siporo rugomba kuzamura.

Uko bigaragara akarere ka Rusizi ntikaratera intambwe ikomeye muri siporo ku rwego rw’imikino inyuranye itari umupira w’amaguru. Ubuyobozi bw’aka karere bukaba buvuga ko hagiye gufatwa ingamba zatuma n’aka karere kagaragara mu mikino myinshi harimo isiganwa ry’amagare, imikino ngororamubiri, iy’intoki n’ibindi.

Aganira n’Imvaho Nshya, Umuyobozi w’aka karere Harelimana Frédéric yavuze ko iyi Tour du Rwanda 2016 yageze muri aka karere isize amasomo menshi yo kwita ku mikino inyuranye amarushanwa y’ubutaha akazajya aba arimo n’abanyarusizi.

JPEG - 79.5 kb
Umuyobozi w’Akarere ka Rusizi, Harelimana Frédéric wemeza ko Tour du Rwanda 2016 yabasigiye isomo

Yagize ati “Mbere ntitwatekerezaga ko amarushanwa nk’aya yagera no mu karere kacu, uyu munsi bikaba ari ibyishimo bikomeye cyane ari kuri twebwe nk’abayobozi ndetse n’abaturage, ariko by’umwihariko bikaba bisigiye isomo rikomeye urubyiruko rwacu.

Yakomeje avuga ko kuba akarere gafite urubyiruko rutwara amagare, urukina imikino y’intoki, umupira w’amaguru mu mashuri hirya no hino, imikino ngororamubiri n’indi, ari kimwe mu bishoboka mu gihe umuntu yitaye kuri siporo yamuteza imbere, akayibyaza umusaruro.
Ati “Tugiye kubishyiramo imbaraga natwe urubyiruko rwacu rugaragare.”

Ku byerekeranye n’abavuga ko impano z’urubyiruko rwa Rusizi zititabwaho nk’uko bikwiye na bwo yagize ati “Nibatangire maze natwe badusabe uruhare rwacu kuko n’aba batangiye birwanaho uko bagenda bakomera bagenda bafashwa buhorobuhoro kugeza bageze kuri ruriya rwego. N’abandi rero nibatangire bigaragaze maze badusabe kubafasha tuzabikora kuko twifuza ko mu bikomerezwa by’igihugu muri siporo n’abanyarusizi babonekamo.”

Byanashimangiwe na Areruya Joseph umwe mu basiganwaga wabwiye Imvaho Nshya ko na bo batatangiriye kure cyane ahubwo batangiye gahoro gahoro kugeza bageze ku rwego bariho.

Gusa ibikorwa remezo bijyanye n’ibibuga n’aho abantu bakinira biracyari ikibazo abaturage bakifuza ko na byo byatezwa imbere.

 

Comments

 
 
Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.