Advertisement
 
 
 
 
 
 
 
 

Siporo | Siporo Mu Rwanda

Tour du Rwanda 2016: Rugg Thimoty yegukanye agace ka Karongi-Rusizi   

  Yanditswe na Gisubizo Gentil M.
 3 months ago

 
 

Agace ka gatatu ya Tour du Rwanda imaze kurangira, abasiganwa bahagurutse i Karongi berekeza i Rusizi baciye mu muhanda mushya wa “Kivu Belt” uca ku nkengero z’ikiyaga.

Ku ntera ya 115Km baragera i Rusizi, Rugg Thimothy ni we wegukanye aka gace ka gatatu naho Valens Ndayisenga ari kurwana ku mwenda w’umuhondo yegukanye ku munsi w’ ejo.

Isiganwa ry’amagare Tour du Rwanda rizenguruka u Rwanda rigeze ku munsi waryo wa kane, ahamaze gukinwa agace ka gatatu kavaga i Karongi kerekeza i Rusizi. Yari inzira y’ibirometero 115 na metero 900, n’inzira kandi yiganjemo ahantu hamanuka cyane, gusa ku bazamuka, uyu munsi hari ahantu hatandatu harimo utuzamuko twatanzwemo amanota y’uwahize abandi mu kuzamuka.

JPEG - 175.9 kb
Valens Ndayisenga aracyayoboye ku mwenda w’Umuhondo

Nyuma ya buri gace hatangwa ibihembo bitanu. Uwatsinze agace ahabwa amadorali 340 ahembwa na SKOL, ukiri muto uhembwa na Soras amadorali 300, umunyafurika mwiza uhembwa amadorali 300 na Rwanda Air.

Uwazamutse kurusha abandi Cogebanque imuha amadorali 300 n’umunyarwanda mwiza uhembwa na RDB amadorali 300. Hejuru y’ibyo, hatangwa umwenda w’umuhondo Minisiteri y’Umuco na Siporo yambika uza imbere ku rutonde rusange.

Ku ntera ya Kabiri yagukanye intera ya Kabiri...

Ndayisenga Valens ukinira ikipe ya Dimension Data nyuma yo kwegukana intera ya kabiri ya Tour du Rwanda 2016 kuva Kigali ugera Karongi niwe wafashe umwamya wa mbere muri rusange asimbuye Areruya Joseph wari ku mwanya wa mbere nyuma y’intera ya Kigali-Ngoma.

Uyu musore w’imyaka 22 wegukanye Tour du Rwanda 2014 , yegukanye intera ya Kigali-Karongi ireshya n’ibilometero 124 na metero 400 akoresheje amasaha 3, iminota 16 n’amasegonda 46 akurikirwa na Kangagi Suleiman wo muri Kenya wakoresheje amasaha 3, iminota 17 n’amasegonda 52 naho ku mwanya wa 3 haza Areruya Joseph ukinira Amis Sportifs wakoresheje amasaha 3, iminota 18 n’amasegonda 13.

Akimara kwegukana iyi ntera dore ko bwari n’ubwa mbere agenze muri iyi nzira, Ndayisenga yavuze ko mu ikipe ye nta mukinnyi bari bafite wabasha guhatana bageze ku murongo kuko Uwizeyimana yari yasigaye.

Ati “ Iyo ngerana nabo ku murongo wa nyuma byari kumera nk’i Ngoma, mu bilometero 5 bya nyuma nabacitse ngera ku murongo njyenyine”.

JPEG - 192.9 kb
Ndayisenga Valens wegukanye intera ya Kigali-Karongi afite intego yo kwisubiza irushanwa rya Tour du Rwanda (Foto Bugingo F)

Ndayisenga yakomeye avuga ko yifuzaga kwegukana intera. Ati “Ntabwo naherukaga gutsinda kandi n’Abanyarwanda bari bakeneye ko twegukana intera, cyari igihe cyo kubashimisha kuko ku munsi wa mbere batishimye”.

Nyuma y’umunsi wa 3, Ndayisenga Valens ni we uri imbere aho mu bilometero 224 na metero 400 amaze gukoresha amasaha 5, iminota 33 n’amasegonda 26 akurikiwe n’abakinnyi b’u Rwanda ari bo Areruya Joseph na Nsengimana Jean Bosco wegukanye Tour du Rwanda 2015 bose bamaze gukoresha amasaha 5, iminota 34 n’amasegonda 51.

Ndayisenga akaba arusha umukinnyi umukurikiye umunota umwe n’amasegonda 25. Umukinnyi w’umunyamahanga uri hafi ni Okubamariam Tesfom wo muri Eritrea umaze gukoresha amasaha 5, iminota 34 n’amasegonda 58.

Uko bigaragara, Tour du Rwanda 2016 ishobora kwegukanwa n’umunyarwanda. Ndayisenga uri imbere ubu akaba yaregukanye Tour du Rwanda 2014 ari na bwo bwari ubwa mbere ibaye mpuzamahanga atangaza ko bishoboka Ati “Hari igihe wa washyiramo n’iminota 3 ntiwegukane Tour du Rwanda gusa icyiza n’uko Areruya na Nsengimana bari hafi”.

 

Comments

 
 
Abatoza b’Abanyarwanda 2 bazajya bakura impamyabushobozi mu Budage buri mwaka
Abatoza b’Abanyarwanda 2 bazajya bakura impamyabushobozi mu Budage buri mwaka

Ubuyobozi bw’ishyirahamwe ry’umupira w’amaguru mu Rwanda “FERWAFA” n’iry’u Budage “DFB” basinyanye amasezerano y’ubufatanye yo guteza imbere umupira w’amaguru w’u Rwanda. Ni amasezerano yasinywe na (...)

Mulisa ahangayikishijwe n’ibura ry’ibitego muri APR FC
Mulisa ahangayikishijwe n’ibura ry’ibitego muri APR FC

Umutoza mukuru wa APR FC, Mulisa Jimmy ahangayikishijwe bikomeye n’ikibazo cy’ubusatirizi bwe bumaze gutsinda gusa igitego kimwe mu mikino ine baheruka gukina. Ni nyuma y’uko APR FC iheruka (...)

Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.