Advertisement
 
 
 
 
 
 
 
 

Siporo | Siporo Mu Rwanda

Tour du Rwanda 2016: ARERUYA yegukanye agace ka 4 Rusizi-Huye   

  Yanditswe na Gisubizo Gentil M.
 2 months ago

 
 

Areruya Joseph, umusore ukinira Les Amis Sportifs w’i Rwamagana ni we wegukanye agace karekare ka Tour du Rwanda asize bagenzi be ku ntera y’ibilometero 140.

Abanyarwanda batandukanye bemeza ko Areruya akomeje kwitrwara neza ndetse anatanga icyizere cyo kuzahesha ishema u Rwanda ku musozo.

Saa tatu abasiganwaga bari buhagurukire i Rusizi berekeza i Huye mu nzira ndende y’isiganwa ry’uyu mwaka ibilometero 140 na metero 700, aho uwambere byari biteganijweko agera i Huye mu ma saa sita n’igice.

Areruya Joseph ni we wegukanye agace ka kane


Umuhanda bakoreyemo urazamuka cyane kakaba hari ku kirometero cya karindwi i Giheke. Wakwibuka ko umunyarwanda Mugisha Samuel w’imyaka 18 ukinira Benediction Club ya Rubavu, ari we ufite iki gihembo ndetse akaba ari butangire yambaye umwambaro wambikwa uwazamutse kurusha abandi.

Areruya Joseph yegukanye agace ka mbere


Nta byinshi byari byitezwe kuri Rugg Timothy wegukanye agace Karongi-Rusizi, ku munsi w’ejo yatangaje ko aka gace kuri we ari ikiruhuko, ubwo ahafi yakongera kwigaragaza ni ku wa gatandatu ubwo amagare azaba ava i Musanze yerekeza mu Murwa Mukuru w’u Rwanda.

Nsengimana Jean Bosco na Areruya Joseph, bigaragaje cyane uyu munsi mu gihe na Ndayisenga Valens ejo yari afite intego yo gutsinda uyu munsi nyuma yo kudashobora kwegukana agace Karongi-Rusizi, birumvikana ko Huye ahavuye amaramasa.

Abanyahuye kandi nyuma yo kubura umwana wabo Twizerane Mathieu wavuye mu irushanwa, amaso yose bayahanze “Mzee wa Kazi” , Ruhumuriza Abraham.

Ndayisenga Valens yagumanye umwenda w’umuhondo


Mu bakinnyi 73 batangiye isiganwa hasigayemo 67. Nyuma yaho Twizerane Mathieu wa Les Amis Sportifs, Smith Morgan wa Kenya Downunders na Haile Dawit Araya wa Eritrea bavuyemo ku gace ka kabiri, ku munsi w’ejo, Polveroni wa David wa Haute-Savoie Rhône-Alpes yo mu Bufaransa, Ruberwa Jean wa Benediction Club ya Rubavu na Nzeke Jérémie wa SNH yo muri Cameroon na bo bavuye mu isiganwa.

Agace ka kane ka Tour du Rwanda katangiriye mu mujyi wa Rusizi, abasiganwaga barerekeza i Huye baciye mu ishyamba rya Nyungwe bagafata Nyamagabe, bakoze urugendo rwa kilometero 140 ari narwo rurerure muri iri rushanwa.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Ku myaka 19  Nyirarukundo yageze mu ibihugu 20 akina  umukino wo gusiganwa
Ku myaka 19 Nyirarukundo yageze mu ibihugu 20 akina umukino wo gusiganwa

Nyirarukundo Salome umwari w’imyaka 19, ukina umukino wo gusiganwa ku maguru avuga ko impano afite yatumye agenda mu bihugu birenga 20, ahesha ishema u Rwanda. Nyirarukundo uvuka mu karere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.