Advertisement
 
 
 
 
 
 
 
 

Siporo | Siporo Mu Rwanda

Taekwondo: Abanyarwanda bane babonye uruhushya rubemerera gutoza ku Isi hose   

  Yanditswe na BIZIMANA ERIC
 March 2016

 
 

Abantu 4 bo mu Ishyirahamwe ry’umukino wa Taekwondo mu Rwanda “RTF” babonye dani ya kane ibemerera gutoza aho ariho hose ku Isi.

Batatu muri aba babigezeho ku wa Gatanu taliki 18 Werurwe 2016. Abo ni umutoza w’ikipe y’igihugu Bagire Allan Irene, Mbonigaba Boniface na Ntawangundi Eugene bashinzwe iterambere ry’uyu mukino mu Rwanda.

Uwa kane ni Mugabo Placide, Umunyamabanga w’Ishyirahamwe ry’uyu mukino mu Rwanda watsinze ikizamini ku Cyumweru taliki 20 Werurwe 2016.

JPEG - 41.2 kb
Uhereye ibumoso Bagire Allan, Mbonigaba Boniface na Ntawangundi Eugene (ubanza iburyo) batsindiye Dani ya Kane mu mukino wa Taekwondo

Ikizamini kibahesha izi dani cyabereye kuri Sitade Nto i Remera kiyobowe na Martin Koonce, ukomoka muri Leta Zunze Ubumwe za Amerika, asanzwe ari Umuyobozi wa Tekinike muri “RTF” akaba no mu bagize ubuyobozi bwa Taekwondo ku rwego rw’Afurika.

Umunyamabanga wa RTF, Mugabo Placide avuga ko ari iterambere rikomeye kuri uyu mukino mu Rwanda.

Ati "Biradushimishije kuba tugize abantu batera imbere ku buryo bemerewe gutanga amahugurwa yo ku rwego mpuzamahanga. Ubu bemerewe guhugura ku Isi hose, urumva ni iterambere ku gihugu". Akomeza avuga ko bagiye kwita ku kumenyekanisha uyu mukino no kuwuzamura bahereye ku bakiri bato.”

Ishyirahamwe ry’uyu mukino rigaragaza ko umukinnyi wa mbere ku Isi afite Dani 9. Umukino wa Taekwondo watangiye mu Rwanda muri 2003 ukaba ari umukino jyarugamba bakina bakoresha cyane imigeri.

.

 

Comments

 
 
Umunyarwandakazi agiye  gutangiza umukino mushya mu gihugu
Umunyarwandakazi agiye gutangiza umukino mushya mu gihugu

Umuyobozi wa komisiyo y’umupira w’amaguru w’abagore mu ishyirahamwe ry’umupira w’amaguru mu Rwanda “FERWAFA”, Rwemalika Felicite yatangije ibikorwa by’umupira w’amaguru ukinirwa ku mucanga uzwi nka (...)

Umutoza wa Rayon Sports n’uwa Marines FC bahanishijwe  gusiba umukino umwe
Umutoza wa Rayon Sports n’uwa Marines FC bahanishijwe gusiba umukino umwe

Masudi Djuma utoza ikipe ya Rayon Sports na Nduhirabandi Abdoul Karim “Choka” utoza Marines FC bahawe igihano cyo gusiba umukino umwe nyuma y’imyitwarire mibi bagize ku mukino w’umunsi wa 19 aho (...)

Rayon Sports  irerekeza  muri Mali
Rayon Sports irerekeza muri Mali

Ikipe ya Rayon Sports irerekeza i Bamako muri Mali, uyu munsi taliki 07 Werurwe 2017, aho igiye gukina na Onze Créateurs umukino ubanza mu mikino y’Afurika y’amakipe yitwaye neza iwayo “Total CAF (...)

Imodoka imwe y’u Rwanda ni yo yasoje isiganwa rya Kabale Rally 2017
Imodoka imwe y’u Rwanda ni yo yasoje isiganwa rya Kabale Rally 2017

Mu mpera z’icyumweru gishize, taliki 04-5 Werurwe 2017 imodoka ebyiri zo mu ikipe ya Huye Motorsport zitabiriye isiganwa muri Uganda “Kabare Rally 2017”. Imodoka imwe ni yo yarisoje indi igira (...)

Amagare : Abanyarwanda 6 bazahagararira u Rwanda muri Cameroun
Amagare : Abanyarwanda 6 bazahagararira u Rwanda muri Cameroun

Ikipe y’igihugu y’umukino w’amagare igizwe n’abasore batandatu izahaguruka i Kigali ku wa gatatu taliki 08 Werurwe 2017 yerekeje muri Cameroun mu irushanwa rya "Tour du Cameroun’’ rizatangira kuva (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.