2017-06-23 06:25:07 clouds 27o High | Kigali Rwanda

Dukurikire:
 
 

Sugira yemeje ko agomba kuva mu Rwanda

Yanditswe na IMVAHO NSHYA

Kuya 2016-03-31 05:09:59

 
Share on:
 
Yasuwe:0
 
Yavuzweho:200
 
10
 
10

Rutahizamu wa AS Kigali ndetse n’ikipe y’u Rwanda “Amavubi”, Sugira Ernest, yatangarije Imvaho Nshya ko nyuma y’iyi shampiyona agomba kujya hanze y’u Rwanda byanze bikunze.

Aya magambo yayatangaje ubwo yari amaze gutsinda ibitego 2 mu mukino Amavubi yatsinzemo Mauritius ibitego 5-0. Sugira yavuze ko gutsinda ibitego bitanu ari gihamya y’uko ubusatirizi bw’u Rwanda bushoboye.

Sugira avuga ko hari ibihe ubusatitizi bugira imbaraga ubundi zigacika. Ati "Byose bigira ibihe byabyo. Nk’uyu munsi mu ibitego bitanu twatsinze harimo bibiri byaba rutahizamu. Njye sinagaya ubusatirizi bw’u Rwanda”.

JPEG - 316.4 kb
Sugira Ernest urimo kwitwara neza muri iyi minsi afite gahunda yo gukina hanze y’u Rwanda umwaka utaha (Foto James R)

Uyu rutahizamu wabuze umwanya muri APR FC akaza kujya muri AS Kigali, yavuze ko nta mpungenge Abanyarwanda bakwiye kugira mu rwego rw’ubusatirizi. Sugira yemeje ko intego ye ari ukuzaba rutahizamu watsinze ibitego byinshi muri shampiyona y’uyu mwaka.

Yasoje avuga ko byanze bikunze agomba kuva mu Rwanda mu mpera z’iyi shampiyona.

Ati "Ubu isoko rirafunze, ariko icyangombwa kuri njye ni uko nzasohoka. Hari ikipe nyishi zinyifuza icyo njye ngitegereje ni uko isoko rifungura muri Kamena 2016".

Ni mu gihe yaherukaga kwemerera Imvaho Nshya ko yagiranye ibiganiro na St Etienne yo mu cyiciro cya mbere mu Bufaransa. Hari kandi na AS Vita Club y’umutoza Florent Ibenge unatoza RDC, nayo yagarutsweho nyuma ya CHAN 2016 nk’imwe mu makipe arwanira uyu rutahizamu wazamukiye muri AS Muhanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE