Advertisement
 
 
 
 
 
 
 
 

Siporo | Siporo Mu Rwanda

Sinshobora kuzana umukinnyi udashoboye muri Rayon Sports - Masudi   

  Yanditswe na BUGINGO FIDELE
 August 2016

 
 

Nyuma y’icyumweru kimwe ikipe ya Rayon Sports itangiye imyitozo, umutoza wayo Masudi Juma atangaza ko imyiteguro irimo kugenda neza nubwo bisaba ko batangira gake gake kuko abakinnyi bari bavuye mu kiruhuko.

Uyu mutoza akomeza avuga ko adashaka gukoresha imyitozo abakinnyi batazakina muri Rayon Sports ariyo mpamvu yagiye asezerera bamwe.

Masudi yavuze ko adashobora kuzana umukinnyi udashoboye muri Rayon Sports dore ko ubu abakinnyi 8 bavuyemo hakinjira abagera kuri 12.

Masudi yagize ati “Havuye Davis Kasirye haza undi, sinakina se? Ubu se ndakina? ,ndi umutoza, havuye Davis Kasirye haje Nahimana Shasiri akina neza ku 10, ntabwo nazana umukinnyi utari umuhanga muri Rayon Sports, Moussa Camara ni umukinnyi mwiza kurusha Diarra, arihuta kumurusha reka agaruke mu bihe bye byiza muzamubona”.

JPEG - 169.6 kb
Masudi Juma utoza Rayon Sports atangaza ko atazana umukinnyi muri iyi kipe adashoboye

Kapiteni wa Rayon Sports, Ndayishimiye Eric “Bakame” nawe yagaragaje ko nta mpungenge afite ku bakinnyi bashya.

Ati “Abakinnyi bagiye bari beza kandi bari bakomeye ariko muri Rayon Sports iyo umukinnyi aje aritanga agashyigikirwa bigatuma aba umukinnyi w’igitangaza, n’abaje uyu mwaka babitege kandi nzi ko bazaba abakinnyi beza cyane kurusha n’abo twari dufite”.

Bakame yakomeje avuga ko umwuka ari mwiza mu bakinnyi akaba yaranaboneyeho gushimira abafana baza kubashyigira bareba imyitozo ndetse bakanishyura.

Ati “Kuza biduha imbaraga na wa mukinnyi mushya agakora cyane kugira ngo yereke abafana b’ikipe ko ashoboye kandi n’amafaranga batanga agira akamaro kuko amazi araboneka ndetse n’agatike ku bakinnyi”.

Mu bakinnyi bashya ikipe ya Rayon Sports yaguze harimo Rwatubyaye Abdoul wavuye muri APR FC ariko ubu akaba atagaragara bivugwa ko yaba yaragiye muri Slovakia kuko impamvu yari yasinye muri Rayon Sports ari uko yari yabuze ibyangomba byo kugenda.

Umutoza Masudi atangaza ko Rwatubyaye ari umukinnyi mwiza wari kubafasha ariko ko atari we wenyine Rayon Sports ishingiyeho.

Ati “Ntabwo umukinnyi umwe yabuza ikipe gukina”.

Uyu mutoza yagarutse kuri Mutsinzi Ange “Jimmy”, myugariro wakiniraga AS Muhanga akaba yarakiniye n’Amavubi U-20, avuga ko akeneye abakinnyi bakiri bato.

Ati “Kuba dufite umwana nk’uriya ni byiza gusa bizamusaba kumenyera ariko n’abandi bose ni ko batangira”.

Abakinnyi bishimiye umutoza Masudi

Kapiteni wa Rayon Sports, Ndayishimiye Eric “Bakame” avuga ko umutoza Masudi abisanzuraho cyane mbese ameze nk’umukinnyi akaba n’umutoza.

Ati “Tumufata nka mukuru wacu akenshi yegera abakinnyi bakuze akatubaza ikitagenda n’icyakorwa ngo ibintu bigende neza, biradushimisha cyane”.

Ndayishimiye avuga ko Masudi yanga umuntu utubahiriza gahunda y’imyitozo agakunda umukinnyi ujya mu kibuga agakora ibyo yamubwiye, ngo kandi iyo hari uwakosheje cyangwa uwakoze neza adaca ku ruhande akabimubwira.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.