2017-07-21 15:15:02 clouds 27o High | Kigali Rwanda

Dukurikire:
 
 

Sibomana Patrick yemeje ko ari mu biganiro na Rayon Sports

Yanditswe na IMVAHO NSHYA

Kuya 2017-07-07 12:38:41

 
Share on:
 
Yasuwe:234
 
Yavuzweho:200
 
10
 
10

Sibomana Patrick, rutahizamu ukina aca ku ruhande muri APR FC yemeye ko yagiranye ibiganiro kuri telefoni n’abayobozi ba Rayon Sports kugira ngo abe yayikinira mu mwaka utaha w’imikino.

Uyu mukinnyi, Rayon Sports iramwifuza kugira ngo asimbure Nshuti Dominique Xavio wagiye muri AS Kigali aguzwe miliyoni 16 ndetse na Nsengiyumva Moustapha wagiye muri Police FC .

Iki cyuho cya ba rutahizamu baca ku mpande kinahurirana n’uko na Sibomana Patrick amaze igihe kinini yicaye ku ntebe y’abasimbura kandi ari umukinnyi udashidikanywaho ku buhanga bwe.

JPEG - 304.1 kb
Sibomana Patrick Papy, wemeje ko yagiranye ibiganiro na Rayon Sports

Nyuma yo gusoza umwaka w’imikino muri APR FC yatwaye igikombe cy’Amahoro, Sibomana yavuze ko “Yagiranye ibiganiro n’abayobozi ba Rayon Sports ariko kuri telefoni, ariko yemeza ko bishoboka guhindura ikipe’’.

Aganira n’Imvaho Nshya, Sibomana yavuze ko kuba atarakunze kugirirwa icyizere byaterwaga n’amahitamo y’umutoza kandi adafite icyo yayahinduraho.

Ati “Umutoza aba afite amahitamo ye, cyane ko ntawe uhindura ikipe itsinda, buriya yabonaga ko bagenzi banjye bitwaraga neza. Njye nari meze neza ariko nyine nta kibazo nabigizeho kinini’’.

Uyu musore wazamukiye mu Isonga FC yaboneyeho kwerekana ko mu gihe yaba agumye muri APR FC yaba yiteguye guhanganira umwanya uhoraho. Ati “Buri wese n’ibihe bye.

Nta bwo ndi umukinnyi mubi ku buryo nzamara igihe ndi ku gatebe. Nanjye nimbona amahirwe nzahita nyabyaza umusaruro kugira ngo nongere ngaruke ku rwego nari ndiho’’.

Sibomana yanavuze ko hari ibiganiro yigeze kugirana n’amakipe y’i Burayi ariko ashimangira ko agifite amasezerano na APR FC azasozwa muri Nzeri 2017.

BIZIMANA ERIC

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE