2017-12-12 08:24:39 clouds 27o High | Kigali Rwanda

Dukurikire:
 
 

Shampiyona y’u Rwanda igeze ku munsi ubanziriza uwa nyuma

Yanditswe na IMVAHO NSHYA

Kuya 2017-05-26 08:49:56

 
Share on:
 
Yasuwe:96
 
Yavuzweho:200
 
10
 
10

Uyu munsi: Musanze FC-Mukura (Musanze-15h30); Sunrise FC- Espoir FC (Nyagatare-15h30); Kirehe FC-Gicumbi FC (Kirehe-15h30); Marines FC-Kiyovu (Rubavu-15h30); AS Kigali-Police FC(Nyamirambo-15h30); Pepiniere FC-Amagaju (Ruyenzi-15h30)

Taliki 28-05-2017: Rayon -APR FC (Nyamirambo-15h30);Etincelles-Bugesera FC (Rubavu-15h30

Shampiyona y’u Rwanda igeze ku munsi wa 29 ari na wo ubanziriza uwa nyuma. Kugeza ubu igikombe cya shampiyona cyabonye nyiracyo igisigaye ni amakipe arimo kurwanira umwanya wa kabiri ndetse n’arwana no kutamanuka mu cyiciro cya kabiri.

Imikino y’umunsi wa 29 iteganyijwe uyu munsi tariki 26 Gicurasi 2017, ikipe ya Musanze FC irakira Mukura, amakipe yombi amaze iminsi atsindwa, Sunrise FC irakira Espoir FC, Kirehe FC yakire Gicumbi FC, umukino uza kuba ukomeye kuko Gicumbi FC iri mu makipe ashobora kumanuka.

JPEG - 299.5 kb
Gicumbi FC iri mu makipe ashobora kumanuka mu cyiciro cya kabiri irisobanura na Kirehe FC

Undi mukino urahuza ikipe ya Marines FC na Kiyovu, umukino w’amakipe akurikiranye ku rutonde ndetse itsindwa ikaba ishobora guhita isubira mu cyiciro cya kabiri.

Mu yindi mikino iza kuba uyu munsi, Pepiniere FC yamaze kumanuka mu cyiciro cya kabiri irakira Amagaju FC naho AS Kigali yakire Police FC, umukino na wo uza kuba utoroshye kuko Police FC irashaka gutsinda uyu mukino kugira ngo ifate umwanya wa kabiri mu gihe APR FC yananirwa gutsinda Rayon Sports.

Indi mikino izaba ku cyumweru

Ku cyumweru tariki 28 Gicurasi 2017, ikipe ya Etincelles FC izakira Bugesera FC naho Rayon Sports yakire APR FC.

Mbere y’umunsi wa 29, Rayon Sports yamaze gutwara igikombe ifite amanota 69 ikurikiwe na APR FC n’amanota 56, Police FC n’amanota 55 na AS Kigali n’ananota 50, ku mwanya wa nyuma wa 16 hari Pepiniere FC n’amanota 13.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE