Advertisement
 
 
 
 
 
 
 
 

Siporo | Siporo Mu Rwanda

Rwatubyaye ashobora gusubira muri APR FC kuri miliyoni 15   

  Yanditswe na BIZIMANA ERIC
 5 months ago

 
 

Ikipe ya APR FC ishobora gutanga miliyoni 15 z’amafaranga y’u Rwanda kugira ngo isubirane Rwatubyaye Abdoul, myugariro yareze wari waguzwe na Rayon Sports muri Nyakanga 2016.

Rwatubyaye yari yahawe na APR FC uburenganzira bwo kwerekeza muri Tropocany Sport yo muri Slovakia ajyanye na Iranzi Jean Claude, Ombolenga Fitina na Kalisa Rachid ariko ntiyabona uburenganzira bumwemerera kwinjira muri iki gihugu “Visa” kuko yigeze gutoroka ubwo yajyaga mu mikino y’ibihugu bikoresha ururimi rw’Igifaransa “Jeux de la Francophonie 2013” mu Bufaransa nyuma akaza kugarurwa mu Rwanda.

Nyuma yo kumenya aya makuru, Rayon Sports yaje guca ku ruhande isinyisha amasezerano y’imyaka ibiri uyu myugariro kuri miliyoni 5 z’amafaranga y’u Rwanda anahabwa nimero 15.

JPEG - 243.4 kb
Rwatubyaye Abdoul nyuma yo gusinyira ikipe ya Rayon Sports biravugwa ko agiye gusubira muri APR FC

Akimara gusinya Rwatubyaye yerekeje mu nkengero za Kampala ahamara igihe ari naho akorera imyitozo, atekereza ko ashobora kuba yabona visa yo kujya i Burayi.

Ku wa Gatanu taliki 10 Nzeri 2016 ni bwo Rwatubaye yagarutse i Kigali yakirwa n’umunyamabanga mukuru wa APR FC nk’uko amakuru agera ku Mvaho Nshya abyemeza.

Abayobozi ba APR FC bafashe icyemezo cyo gusubukura ibiganiro n’abayobozi ba Rayon Sports kugira ngo babahe amafaranga bamutanzeho ariko asubire mu ikipe ye.

Umuvugizi wa APR FC, Kazungu Claver, yavuze ko batagitekereza kuri Rwatubyaye.

Ati “Ibya Rwatubyaye ntubizi se? uko uyazi ni ko nyazi. Nta Rwatubyaye uri muri APR FC. Ntawe ikeneye nta n’uwo izakenera. Nta makuru ya Rwatubyaye APR FC ifite. Warabyumvise ko yasinye muri Rayon Sports , ibyakurikiyeho ntabyo nzi’’.

Perezida wa Rayon Sports, Gacinya Denis ubwo yatangizaga imyitozo y’iyi kipe, yavuze ko atazi aho Rwatubaye ari gusa bamufata nk’umukozi wabo watinze kuza ku kazi.

Bamwe mu bafana ba APR FC bemeza ko igikeneye umuntu wongera imbaraga mu bwugarizi buyobowe na Rugwiro Herve na Usengimana Faustin bakigaragaza ko batarahuza neza.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.