Advertisement
 
 
 
 
 
 
 
 

Siporo | Siporo Mu Rwanda

Rusizi: Ubuyobozi buhanganye n’abagabo bubatse ingo bakomeje gutera abakobwa inda   

  Yanditswe na BAHUWIYONGERA SYLVESTRE
 May 2016

 
 

Umurenge wa Nkanka mu karere ka Rusizi uravugwamo abana benshi b’abakobwa baterwa inda zitateganijwe, ubuyobozi bw’uyu murenge ukemeza ayo makuru uvuga ko ibyo bikorwa ahanini n’abagabo bubatse ingo, bamwe muri bo bakaba barafashwe bagashyikirizwa ubutabera.

Uwambaje Aimée Sandrine Umunyamabanga nshingwabikorwa w’uyu murenge yavuze ko ikibazo cy’inda zitateganijwe kigaragara muri uyu murenge gifitwemo uruhare rukomeye n’abagabo bafite ingo zabo, ikibabaje kikaba ari uko abaterwa izi nda akenshi bahishira abazibatera.

Yagize ati “Iki kibazo kirahari rwose kandi kirakomeye, kuko nubwo hari abana b’abakobwa baterwa inda n’abasore bagenzi babo ariko higanje n’abagabo bakuze babatera inda. Tukaba twarafashe ingamba zo gukomeza gukora ubukangurambaga mu rubyiruko n’ababyeyi kugira ngo izi nda zirindwe, ariko cyane cyane guhana aba ba bihemu bangiza abana kariya kageni. Iyo ubona mu mudugudu hari nk’abana 3 cyangwa barenga batwaye inda kandi bakavuga ko bazitewe n’abantu bakuru usanga biteye agahinda.’’

Avuga ko hamaze gufatwa abagabo benshi cyane muri uyu murenge bagashyikirizwa ubutabera kubera iki cyaha kandi bakaba batazahwema kubafata ngo bashyikirizwe ubutabera kuko babangamira ubuzima bwiza bw’ejo hazaza bw’umwana w’umukobwa.

Ati “Muri aya mezi 5 yonyine tumaze gufata abagabo 4 kandi barimo kubiryozwa, kikaba ari ikibazo gikomeye gisaba ubufatanye bw’inzego zose, kuko aba bagabo bashukisha aba bana utuntu tudafashe ugasanga babakuye mu mashuri babagize nk’indaya zabo, bikaba ari ibintu tudashobora kwihanganira na gato.’’

Uyu muyobozi avuga ko basaba urubyiruko gufata iya mbere mu gutanga amakuru kuri iri hohoterwa cyangwa ubu bugizi bwa nabi bukorerwa aba bana b’abakobwa, cyane cyane ku bahuye n’iki kibazo ntibareke ngo hashire imyaka n’imyaka barabyaye ngo babone gushora imanza, abagabo bubatse ingo zabo babahemukira bakabiryozwa kuko ari ubugome bubi cyane.

Umwe mu bakobwa baganiriye n’Imvaho Nshya wahuye n’iki kibazo yavuze ko yari agiye kurangiza amashuri yisumbuye umufundi wakoraga hafi y’iwabo akamubeshya ko azamugira umugore wa 2 yamara kumutera inda akamwigarika.

Uyu mwana w’umukobwa akavuga ko ubuzima bwe bwahangirikiye kuko ubu atakiga kandi n’uyu mugabo yamutereranye igisigaye akaba ari ukumushyikiriza ubuyobozi.

 

Comments

 
 
Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.