2017-08-20 07:43:19 clouds 27o High | Kigali Rwanda

Dukurikire:
 
 

RGB yahaye amakipe mashya ya Karate ibyemezo by’ubuzima gatozi

Yanditswe na IMVAHO NSHYA

Kuya 2017-03-27 11:48:46

 
Share on:
 
Yasuwe:280
 
Yavuzweho:200
 
10
 
10

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017.

Amakipe yahawe ibyo byemezo biyemerera gukorera mu Rwanda mu buryo busesuye, ni Kaisho, Kensei na Mamaru.

Ni nyuma y’uko ishyirahamwe ry’uyu mukino wa Karate mu Rwanda risuzumya abatoza baryo, maze abarushije abandi mu byiciro bya Kata, Kihon Gumite na Ohyo Gumite bagahabwa imidali ya zahabu.

Abahembwe ni Mugwaneza Jean Marie Vianey mu cyiciro cya Kihon Gumite, Ndayisaba Ignace naho muri Ohyo Gumite hahebwa Ndayambaje Onesphore.

JPEG - 195.9 kb
Abatoza ba Wado-Ryu Rwanda mu gihe cy’imyitozo

Umuyobozi akanaba umuvugizi mukuru w’iri shyirahamwe, Narcisse Musoni ufite umukanda w’umukara dani ya kane (Centure noire 4eme Dan), yavuze ko habaho imyitozo ibahuriza hamwe buri gihembwe ariko by’umwihariko hari hagamijwe gushyikiriza ibyemezo by’ubuzimagatozi bahawe na RGB.

Musoni yagize ati:”Twahuye nk’abatoza bakuriye ama club mu gihugu hose, twahujwe imyitozo tunakora isuzuma aho abarushije abandi bahembwe, ikindi kandi nk’abakinnyi tugira uruhare mu bikorwa bifasha mw’iterambere ry’igihugu ubu tumaze gukusanya inkunga izarihira ubwisungane mu kwivuza abaturage 20 bo mu kagari ka Rukiri ll”.

Yakomeje avuga ko mbere yo kuba abakinnyi ari abanyarwanda ariyo mpamvu bakorana na leta mu bikorwa binyuranye biteza imbere igihugu, bakaba bagamije kubona u Rwanda rugera kure babigizemo uruhare kandi bakanahindura isi nziza.

Umwe mu batwaye umudari wa zahabu Ndayambaje Onesphore ufite umukandara w’umukara Dani ya 3 akaba umuyobozi wa tekiniki muri Kensei-Do Club, yavuze ko yanejejwe n’icyo gihembo ko bimwongerera imbara zo gukomeza gukora kurushaho ndetse no gukomeza kuba umwe mu batoza b’intangarugero muri Wado-Ryu Rwanda, akanashima ubuyobozi bw’iri shyirahamwe ku rwego rimaze kubagezaho.

Abakina umukino wa karate bemeza ko urangwamo ikinyabupfura, kandi ukabafasha kwigirira ubwirinzi no kugira ubuzima buzira umuze .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE