Advertisement
 
 
 
 
 
 
 
 

Siporo | Siporo Mu Rwanda

Rayon Sports yemeye gutangira shampiyona imaze gukemura ibibazo byayo na APR FC   

  Yanditswe na BIZIMANA ERIC
 1 month ago

 
 

Kuri uyu wa gatanu: Rayon Sports vs Police (Stade ya Kigali, 18:00)
Ejo kuwa gatandatu: Pepiniere vs Mukura (Kicukiro, 15:30), Etincelles vs Gicumbi (Umuganda, 15:30), Bugesera FC vs Kiyovu SC (Bugesera; 15:30)
Ku Cyumweru : Marines VS Espoir FC (Umuganda, 15:30), Sunrise FC vs AS Kigali (Kigali, 15:30), Kirehe FC vs Musanze FC (Kirehe; 15:30), PR FC vs Amagaju (Stade de Kigali; 15:30)

Ubuyobozi bw’ikipe ya Rayon Sports bwemeye gukina umukino wa shampiyona uza kuba uyu munsi ku wa gatanu, nyuma yo gukemura ibibazo bwari bufitanye na APR FC.

JPEG - 61.4 kb
Imanishimwe-Emmanuel, wari izingiro ry ’ibibazo yemejwe nk’uwa APR

Ni ibibazo byari bishingiye ku bakinnyi Imanishimwe Emmanuel wagaragaraga ku rutonde rw’amakipe yombi n’abakinnyi Nova Bayama, Rwigema Yves na Rwatubyaye Abdoul barererewe mu ishuri ry’umupira w’amaguru rya APR FC bimwa ibyangombwa (Licences) byo gukina muri Rayon Sports nyuma yo kuyerekezamo.

Nyuma y’inama yabaye ejo hashize ku gicamunsi, impande zombi zemeje ko « Imanishimwe agomba gukinira APR FC, naho Rwigema Yves na Nova Bayama bagahabwa ibyangombwa byo gukinira Rayon Sports. Naho ikibazo cya Rwatubyaye nticyasuzumwa kuko atari mu Rwanda. »

Hanzuwe kandi ko « Rayon Sports itanga indezo kuri Bayama na Rwigema ingana n’amafaranga miliyoni imwe kuri bombi; naho APR igaha Rayon Sports amafaranga miliyoni eshatu n’ibihumbi 200 ahwanye na 40% by’amafaranga yaguzwe Imanishimwe ’’.

Nyuma yo gukemura ibi bibazo, Rayon Sports yari yamaze kuvuga ko idakina bitaracyemurwa, iraza guhura na Police FC mu mukino uza gufungura shampiyona.

Rayon Sports iraza gukina idafite Ismael Diarra, rutahizamu ukomoka muri Mali wavunikiye mu mukino wa gicuti wahuje Rayon Sports na AS Kigali ku wa gatandatu w’icyumweru gishize.

Police ikaba igiye gukina uyu mukino yari imaze iminsi ine mu mwiherero i Muhanga hamwe n’umutoza mushya Seninga ufite abakinnyi bashya. Biteganyijwe ko indi mikino izaba ku wa gatandatu no ku cyumweru.

Muri rusange imikino ibanza ya shampiyona izatangira taliki 14 Ukwakira 2016 isozwe kuya 28 Mutarama 2017 naho iyo kwishyura izatangira ku ya 11 Gashantare 2017 isozwe ku ya 25 Kamena 2017.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.