2017-06-27 13:41:38 clouds 27o High | Kigali Rwanda

Dukurikire:
 
 

Rayon Sports yemeje ko izakinisha abakinnyi bayo bari mu ikipe y’igihugu

Yanditswe na IMVAHO NSHYA

Kuya 2016-05-19 12:48:43

 
Share on:
 
Yasuwe:8
 
Yavuzweho:200
 
10
 
10

Ubuyobozi bw’ikipe ya Rayon Sports bwafashe icyemezo cyo gukinisha abakinnyi Nshuti Dominiko Xavio, Manishimwe Djabel na Muhire Kevin mu mukino wa shampiyona uzahuza Rayon Sports na AS Muhanga ku wa Gatandatu taliki 21 Gicurasi 2016i Muhanga.

Iki cyemezo gifashwe mu gihe aba bakinnyi bari mu mwiherero w’ikipe y’igihugu “Amavubi U-20” izakina na Misiri mu gushaka itike ya CAN U-20 ku Cyumweru taliki 22 Gicurasi 2016 i Kigali.

Amategeko y’umupira w’amaguru aha uburengenzira ikipe yose ifite abakinnyi batatu mu ikipe y’igihugu gusaba ko umukino bari gukina wa shampiyona ukurwaho.

JPEG - 396.7 kb
Nshuti Dominique Savio umwe mu bakinnyi ba Rayon Sports bari mu ikipe y’igihugu

Umunyamabanga mukuru wa Rayon Sports, Gakwaya Olivier yabwiye Imvaho Nshya ko badashaka gusigarana ibirarane bya shampiyona mu gihe bakomeje urugamba rwo guhatanira igikombe n’ikipe ya APR FC iri kubarusha amanota 5 bagifite umukino umwe w’ikirarane.

Umutoza wa Rayon Sports Masudi Djuma, yabwiye Imvaho Nshya ko yavuganye na Kayiranga Baptiste, umutoza w’ikipe y’igihugu amubwira ko bakeneye aba bakinnyi muri uyu mukino, gusa amwizeza kuzabakinisha iminota izabafasha no gukina umukino wo ku cyumweru.

Yagize ati “Mbere yo kuba abakinnyi b’ikipe y’igihugu ni aba Rayon Sports. Nka Savio nshobora kumukinisha iminota 45. Naho ba Djabel bashobora no kutabanza. Babyemera batabyemera abo turabakeneye nta yandi mahitamo dufite muri uru rugamba rwo kurwanira igikombe".

Kamanzi Emery, ushinzwe imibereho y’abakinnyi b’Amavubi U-20 yabwiye Imvaho Nshya ko ataramenya iby’uko aba bakinnyi bazakina umukino wa Rayon Sports na AS Muhanga kuko ngo n’uyu munota bakiri mu myitozo y’Amavubi U-20.

Yavuze ko mu gihe Rayon Sports yabibamenyesha bazabiganiraho bareba icyakorwa. Imvaho Nshya yagerageje kuvugana na Kayiranga Baptitse ku murongo wa telefoni ntiyabasha kuyitaba. Rayon Sports iri guhanganira igikombe na APR FC ni iya kabiri n’amanota 53.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE