Advertisement
 
 
 
 
 
 
 
 

Siporo | Siporo Mu Rwanda

Rayon Sports yaguze umukinnyi w’umwaka mu Burundi   

  Yanditswe na BIZIMANA ERIC
 July 2016

 
 

Ubuyobozi bw’ikipe ya Rayon Sports bwarangije kumvikana na Nahimana Shassir, Umurundi wakiniraga Vitalo FC akaba ari we wegukanye igihembo cy’umukinnyi mwiza wa shampiyona 2015/2016.

Gakwaya Olivier, umunyamabanga mukuru wa Rayon Sports yabwiye Imvaho Nshya ko Nahimana yamaze kumvikana n’ubuyobozi bwa Rayon Sports akaba agomba gusinya amasezerano y’imyaka ibiri akazajya afatanya na Kwizero Pierrot bakinana mu ikipe y’igihugu y’u Burundi.

Uyu murundi unakinira ikipe y’igihugu y’u Burundi yari yatowe nk’umukinnyi mwiza wa shampiyona “Primus League” w’uyu mwaka ku myaka 22 y’amavuko, atowe n’abanyamakuru b’imikino ku majwi 33 akurikirwa n’umunyezamu wa Vitalo, Arthur Arakaza na myugariro Shaban bakinana. Nahimana yanahawe miliyoni y’amafaranga y’amarundi.

JPEG - 85.1 kb
Nahimana Shasiri agiye gukinira Rayon Sports imyaka 2.

Nahimana ukina nka rutahizamu wa kabiri aje gusimbura rutahizamu Davis Kasirye, Umugande ugomba gusinyira ikipe ya DCMP yo muri RDC nyuma yo gufasha Rayon Sports gutwara igikombe cy’Amahoro akanatsinda ibitego 13 muri shampiyona.

Perezida wa Rayon Sports, Gacinya Denis, umunyamabanga mukuru wa Rayon Sports, Gakwaya Olivier na Kasirye bari bagiye i Kinshasa mu mpera z’icyumweru kumvikana n’ubuyobozi bwa DCMP aho byitezwe ko azatangwaho ibihumbi 60 by’amadolari, ikipe ya Rayon Sports ikaba igomba guhabwaho amafaranga kuko yari agifite amasezerano y’umwaka.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.