2017-11-17 14:59:33 clouds 27o High | Kigali Rwanda

Dukurikire:
 
 

Rayon Sports yagaruye abakinnyi bakomeye ku mukino wa Espoir FC

Yanditswe na IMVAHO NSHYA

Kuya 2017-06-28 06:58:48

 
Share on:
 
Yasuwe:292
 
Yavuzweho:200
 
10
 
10

Rayon Sports-Espoir FC (Nyamirambo-15h30)

Kuri uyu wa Gatatu tariki 28 Kamena 2017 kuri Sitade ya Kigali i Nyamirambo Rayon Sports irakina na Espoir FC mu mukino wo kwishyura wa ½ mu gikombe cy’Amahoro.

Uyu mukino Rayon Sports isabwa nibura ikinyuranyo cy’ibitego bitatu nyuma yo gutsindirwa i Rusizi na Espoir FC ibitego 2-0 mu mukino ubanza wabaye ku cyumweru tariki 25 Kamena 2017.

Bitandukanye n’umukino ubanza, Rayon Sports yishimiye kugarura Nahimana Shassir wari warwaje umwana, hari kandi Manzi Thierry, Nshuti Xavio bari bafite imvune.

JPEG - 112.7 kb
Nahimana Shassir umaze gutsindira Rayon Sports ibitego 8 mu gikombe cy’Amahoro arakina umukino wo kwishyura na Espoir FC

Ku rundi ruhande abakinnyi Sibomana Abouba, Mugabo Gabriel, Tidane Kone na Rwatubyaye Abdoul ntibari bubashe kugaragara muri uyu mukino ku mpamvu z’imvune.

Nshimiyimana Maurice, umutoza wungirije wa Rayon Sports yatangarije Imvaho Nshya ko bari buze kugerageza kwinjira mu mukino kare bakanirinda gutsindwa igitego hakiri kare.

Ati “Iyi se ni yo kipe ya mbere twaba dutsinze ibitego birenze bibiri? Biradusaba ahubwo kwinjira mu mukino kare kuko izaba ari ikipe ije kugarira, twe rero biradusaba ko tuyitsinda igitego kare kandi ntitwishyireho igihunga’’.

Rayon Sports ikaba yifuza gukora amateka yo gutwara igikombe cy’Amahoro ku nshuro ya kabiri yikurikiranya, ikacyongera ku cya shampiyona ya 2017 yamaze kwegukana.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE