Advertisement
 
 
 
 
 
 
 
 

Siporo | Siporo Mu Rwanda

Rayon Sports ntikigiye kurega Etincelles FC   

  Yanditswe na BIZIMANA Eric
 May 2016

 
 

Ubuyobozi bw’ikipe ya Rayon Sports bwatangaje ko butagikomeje gukurikirana ikibazo cy’umunyezamu Nduwayo Danny Barthez wa Etincelles FC byavuzwe ko yari afite amakarita abiri y’umuhondo yamubuzaga gukina umukino Rayon Sports yanganyirijemo na Etincelles igitego 1-1.

Umunyamabanga mukuru wa Rayon Sports, Gakwaya Olivier yabwiye Imvaho Nshya ko bari batangiye gukurikirana ayo makuru nyuma bagasanga nta shingiro afite.

Yagize ati "Twarabikurikiranye dusanga nta shingiro, ahubwo ari ibintu byavuzwe kubera amarangamutima. Ni kwa kundi uvuga akantu, abantu bakagira ngo ni inkuru ifatika, kandi wabyinjiramo ugasanga nta kintu kirimo. Ubwo rero ntitukigiye kurega".

JPEG - 50.8 kb
Umunyamabanga mukuru wa wa Rayon Sports Gakwaya Olivier

Harelimana Amadou, umunyamabanga mukuru wa Etincelles FC we yashimangiye ko umunyezamu wabo yagiye gukina na Rayon Sports yari afite ikarita imwe y’umuhondo yabonye ku mukino wa Musanze na Etincelles ku munsi wa 25 wa shampiyona.

Harelimana yasobanuye ko umunyezamu wabo nta yindi karita yagiraga ukuyemo iyi yo kuri Musanze FC anashimangira ko Nduwayo yaherukaga gusiba umukino w’umunsi wa 21 wahuje Etincelles na Muhanga azira amakarita abiri y’umuhondo arimo iyo ku mukino wa Etincelles na Gicumbi ku munsi wa 20 n’uwa Etincelles na Bugesera ku munsi wa 14.

N’ubwo bimeze gutya hamaze iminsi hari ikibazo cy’abakinnyi bashobora kuba bakina imikino ya shampiyona bafite amakarita abiri ku burangare bw’Ishyirahamwe ry’umupira w’amaguru « FERWAFA ».

Iki kibazo cyari cyazamuwe n’uko Rayon Sports ihanganiye igikombe na APR FC yari imaze kunganya ibintu byongereye amahirwe mukeba isigaye iyirusha amanota ane gusa Rayon Sports ikaba isigaje undi mukino w’ikirarane izakina na AS Muhanga.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Ibyo ukwiye kumenya kuri CAN 2017 igiye kubera  muri Gabon
Ibyo ukwiye kumenya kuri CAN 2017 igiye kubera muri Gabon

Kuva kuri uyu wa gatandatu Taliki 14 Mutarama 2017 kuzageza kuya 05 Gashyantare 2017, abakunzi b’umupira w’amaguru muri Afurika bagiye gukurikirana imikino y’igikombe cy’Afurika “CAN 2017” ku (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.