2017-06-23 06:25:07 clouds 27o High | Kigali Rwanda

Dukurikire:
 
 

Rayon Sports na DCMP bigiye kugirana umubano wihariye nyuma yo kugura Kasirye

Yanditswe na IMVAHO NSHYA

Kuya 2016-07-27 06:56:58

 
Share on:
 
Yasuwe:2
 
Yavuzweho:200
 
10
 
10

Ubuyobozi bw’ikipe ya Daring Club Motema Pembe “DCMP” n’ubwa Rayon Sports bugiye gusinyana amasezerano y’ubufatanye nyuma y’uko ikipe y’i Kinshasa irangije gusinyisha Davis Kasirye umugande wakiniraga Rayon Sports.

Aya masezerano azaba ashingiye ku guhanahana abakinnyi n’indi mikoranire nko gukina imikino ya gicuti nk’uko Gakwaya Olivier, umunyamabanga mukuru wa Rayon Sports yabitangarije Imvaho Nshya ageze ku kibuga cy’indege cy’i Kinshasa agaruka mu Rwanda.

Ni nyuma y’uko ku wa kabiri taliki 26 Nyakanga 2016 abayobozi ba Rayon Sports barimo Perezida Gacinya Denis n’umunyamabanga mukuru Gakwaya Olivier basoje ibiganiro n’ikipe ya DCMP bijyanye n’umukinnyi Kasirye Davis banajyanye muri RDC.

JPEG - 110.7 kb
Davis Kasirye wamaze gusinya amasezerano y’imyaka 2 muri DCMP yo muri RDC

Gakwaya Olivier yavuze ko ibiganiro byagenze neza birangira Kasirye asinye amasezerano y’imyaka ibiri akazajya muri RDC mu ntangiriro za Kanama 2016 avuye mu biruhuko azagirira iwabo muri Uganda.

Gakwaya yavuze ko Rayon Sports izahabwa 60% by’amafaranga yose yaguzwe Kasirye bizwi ko ari ibihumbi 60 by’amadolari ahwanye na miliyoni 48 yo kugura amasezerano y’imyaka ibiri yari asigaranye muri Rayon Sports.

Bivuze ko Rayon Sports izahita ibona miliyoni 9,5. Kasirye yerekeje muri DCMP nyuma yo gufasha Rayon Sports gutwara igikombe cy’amahoro akanayitsindira ibitego 13 muri shampiyona ya 2015-2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE