Advertisement
 
 
 
 
 
 
 
 

Siporo | Siporo Mu Rwanda

Rayon Sports: Masudi, wahawe amasezerano mashya, aratangiza imyitozo   

  Yanditswe na BIZIMANA ERIC
 August 2016

 
 

Ikipe ya Rayon Sports yarangije guha amasezerano mashya y’imyaka itatu uwari umutoza wayo Masudi Djuma wayihesheje igikombe cy’amahoro cya 2016.

Masudi yasabwe guhesha iyi kipe ibindi bikombe nk’uko Gakwaya Olivier, umunyamabanga mukuru wa Rayon Sports yabibwiye Imvaho Nshya.

Gakwaya yanavuze ko nyuma yo gusinya, Masudi agomba gutangiza imyitozo kuri uyu wa Kabiri taliki 16 Kanama 2016 ku kibuga cya FERWAFA mu gikorwa kizayoborwa n’ubuyobozi bwa Rayon Sports.

Yanavuze ko iyi myitozo izaba irimo abakinnyi bashya Nahimana Shassiri, wavuye muri Vitalo FC na Lomami Frank, rutahizamu wagarutse muri Rayon Sports nyuma y’imyaka ibiri yari amaze muri Musanze FC.

JPEG - 131.2 kb
Umutoza wa Rayon Sports, Masudi

Mu bandi bashya byitezwe ko bazagaragara ni Ishimwe Zapi Issa wavuye muri Sunrise hamwe na Kwizera Pierrot wahawe amasezerano mashya.

Ibyo wamenya kuri Masudi

Masudi yavukiye i Bujumbura mu 1976. Yabanje kuba umukinnyi w’amakipe y’abana y’i Burundi agera mu Rwanda mu 1996 amara imyaka 6 muri APR FC, mu 2001 ajya muri Kiyovu Sports maze mu 2003 ajya muri Rayon Sports aho yatwaye igikombe cya shampiyona cya 2004 ari kapiteni.

Yatangiye iby’ubutoza muri 2011, abifashijwemo na Lydia Nsekera wari Perezida w’ishyirahamwe ry’umupira w’amaguru ry’u Burundi akaba agiye kugira impamyabushobozi yo gutoza ya Licence A ya CAF.

Yabanje kuba umutoza wungirije mu ikipe y’igihugu y’abato y’u Burundi, aza muri Rayon Sports mu Gushyingo 2015 aho yari aje kungiriza Ivan Minnaert maze ahabwa amasezerano y’umwaka.

Kuva muri Gashyantare 2016, umutoza Ivan agiye Masudi yafashe ikipe aba umutoza mukuru by’agateganyo abasha kwegukana igikombe cy’Amahoro ndetse anafata umwanya wa kabiri muri shampiyona.

 

Comments

 
 
Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.