Advertisement
 
 
 
 
 
 
 
 

Siporo | Siporo Mu Rwanda

Rayon Sports irakina na Gicumbi imaze imikino ine itsindwa   

  Yanditswe na Bugingo Fidele
 May 2016

 
 

Ikipe ya Rayon Sports iri ku mwanya wa kabiri ku rutonde rwa shampiyona, uyu munsi taliki 17 Gicurasi 2016 irakira ikipe ya Gicumbi FC ku mukino w’umunsi wa 25 wa shampiyona.

Rayon Sports, iherutse gutakaza amanota inganya na Sunrise FC irasabwa kudatakaza umukino n’umwe muri 7 isigaranye mu gihe yaba yifuza kwegukana igikombe. Rayon Sports igiye gukina na Gicumbi FC imaze imikino 4 ikurikiranye itsindwa .

Ikipe ya Gicumbi FC yitwara nabi muri iyi minsi ahanini bitewe n’imiyoborere dore ko mu minsi yashize havuzwemo imibereho mibi y’abakinnyi aho babagaho nabi ndetse ntibanahembwe.

JPEG - 132.2 kb
Ubwo Rayon Sports yatsindaga Gicumbi FC ibitego 2-0 mu mukino ubanza

Gutsinda umukino baza gukina na Rayon Sports ishaka igikombe bishobora kugora umutoza Ruremesha Emmanuel umaze iminsi yemeza ko iyi kipe yagize ibibazo byinshi ahanini bishingiye ku mikoro hagatubitiraho imikino yegeranye.

Rayon Sports ubu iri ku mwanya wa 2 n’amanota 52 inyuma ya APR FC ifite amanota 55 irashaka amanota 3 ngo ikomeze kwizera igikombe cya shampiyona.

Nyuma yo gutaka amanota imbere ya Sunrise FC, umutoza wa Rayon Sports Masudi Djuma yavuze ko bagize imbogamizi z’ikibuga; afite inteko y’uko nta wundi mukino agomba gutakaza.

Mu mukino ubanza, Rayon Sports yatsindiye Gicumbi FC iwayo ibitego 2-0 byatsinzwe icyo gihe na Ismaila Diarra ukomoka muri Mali warukinnye umukino we wa mbere muri iyi kipe.

Kuva muri 2013, aya makipe amaze gukina imikino 5, muri yo Rayon Sports yatsinze imikino 4 naho Gicumbi FC itsinda umukino 1, mu gihe aya makipe ataranganya na rimwe.

Rayon Sports irakina uyu mukino yagaruye abakinnyi bayo Nshuti Xavio, Imanishimwe Djabel na Muhire Kevin bari mu Mavubi U-20 na rutahizamu Kasirye utarakinnye umukino wa Bugesera na Sunrise FC kuko yari iwabo muri Uganda.

Undi mukino uteganyijwe ni Bugesera FC irakira Sunrise FC birakinira i Nyamata. Indi mikino izakomeza ejo taliki 18 Gicurasi 2016.

 

Comments

 
 
APR FC yagaragaje ihuzagurika mu kwitegura imikino yo muri iki cyumweru
APR FC yagaragaje ihuzagurika mu kwitegura imikino yo muri iki cyumweru

Ejo: Mukura-APR FC (Huye-15h30) Ikipe ya APR FC ya kabiri ku rutonde n’amanota 35 irakirwa na Mukura ya 10 n’amanota 19 inasoza urugendo rwayo rw’imikino ikinira mu Ntara y’Amajyepfo. Ni urugendo (...)

Abatoza b’Abanyarwanda 2 bazajya bakura impamyabushobozi mu Budage buri mwaka
Abatoza b’Abanyarwanda 2 bazajya bakura impamyabushobozi mu Budage buri mwaka

Ubuyobozi bw’ishyirahamwe ry’umupira w’amaguru mu Rwanda “FERWAFA” n’iry’u Budage “DFB” basinyanye amasezerano y’ubufatanye yo guteza imbere umupira w’amaguru w’u Rwanda. Ni amasezerano yasinywe na (...)

Mulisa ahangayikishijwe n’ibura ry’ibitego muri APR FC
Mulisa ahangayikishijwe n’ibura ry’ibitego muri APR FC

Umutoza mukuru wa APR FC, Mulisa Jimmy ahangayikishijwe bikomeye n’ikibazo cy’ubusatirizi bwe bumaze gutsinda gusa igitego kimwe mu mikino ine baheruka gukina. Ni nyuma y’uko APR FC iheruka (...)

Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.