Advertisement
 
 
 
 
 
 
 
 

Siporo | Siporo Mu Rwanda

Rayon 1- 0 APR : Umukino wa 2 winjije frw menshi mu mateka ya ruhago mu Rwanda   

  Yanditswe na BIZIMANA ERIC
 July 2016

 
 

Umukino wa nyuma w’igikombe cy’Amahoro wahuje Rayon Sports na APR FC ku wa Mbere taliki 04 Nyakanga 2016 wabaye uwa kabiri winjije amafaranga menshi mu mikino yose imaze kubaho mu mateka y’umupira mu Rwanda.

Wavuyemo miliyoni 37 n’ibihumbi 993 ukaza inyuma uwa Ghana n’Amavubi wabonetsemo miliyoni 40.

Uyu mukino wabereye kuri Sitade Amahoro i Remera, warangiye ikipe ya Rayon Sports inagira abafana benshi mu Rwanda itwaye iki gikombe ku gitego 1-0 cya Ismailla Diarra ku munota wa 91 w’umukino.

Amakuru Imvaho Nshya ikesha abakoze ibarura ry’ibyavuye muri uyu mukino avuga ko wavuyemo miliyoni 37 ibihumbi 993. Itike yari ibihumbi 20 mu cyubahiro, ibihumbi 5 iruhande rwaho, ibihumbi 3 ahatwikiriye n’ibihumbi 2 ahasigaye hose.

JPEG - 370.6 kb
Umukino wa nyuma w’igikombe cy’Amahoro ni uwa kabiri winjije amafaranga menshi, abafana ba Rayon Sports bari baje ari benshi (Foto James R)

Muri aya mafaranga yinjiye havuyeho aya sosiyete itanga amatike “Innovys”, aya Sitade ahabwa MINISPOC n’ahabwa FERWAFA (27%) ahwanye na miliyoni 9 naho 25% by’asigaye (miliyoni 7) ahabwa AS Kigali na Espoir FC zari zahataniye umwanya wa gatatu. APR FC na Rayon Sports byo byagabanye 75% ahwanye na miliyoni 22.

Ibi bisobanuye ko ku mukino wa nyuma gusa Rayon Sports yabonye miliyoni 25, zirimo 11 zavuye ku byinjiye ku mukino, 6 bahawe n’uruganda rwa Skol n’izindi 8 bahawe nk’ikipe yatwaye igikombe.

Uyu mukino unasize amateka yo kuba uwa kabiri ubonetsemo amafaranga menshi mu mateka y’umupira w’amaguru mu Rwanda nyuma y’uwahuje Ghana n’Amavubi taliki 05 Nzeli 2015 winjize miliyoni 40 nabwo tike ya make ari ibihumbi bibiri.

Umukino wa gatatu winjije menshi ni uwahuje Amavubi na RDC muri ¼ cya CHAN 2016 wabonetsemo miliyoni 36 n’ibihumbi 700. Imikino yombi yahuje Rayon Sports na APR FC muri shampiyona y’uyu yavuyemo miliyoni 21 z’amafaranga y’u Rwanda.

 

Comments

 
 
Kuva namenya APR FC buri gihe baravuga ngo barayibira - Jimmy Mulisa
Kuva namenya APR FC buri gihe baravuga ngo barayibira - Jimmy Mulisa

Jimmy Mulisa wahoze ari umukinnyi ukomeye wa APR FC kuri ubu akaba ayibereye umutoza mukuru yahakanye ko ikipe ye ijya ihabwa amahirwe n’abasifuzi. Ibi ni nyuma y’aho abantu bitandukanye (...)

Umutoza mushya w’Amavubi aramenyekana uyu munsi
Umutoza mushya w’Amavubi aramenyekana uyu munsi

Perezida w’ishyirahamwe ry’umupira w’amaguru mu Rwanda “FERWAFA”, Nzamwita Vincent De Gaule aratangaza ko bitarenze uyu munsi taliki 27 Gashyantare 2017, umutoza w’ikipe y’igihugu aba yamenyekanye. (...)

Imisoro yatumye Amagaju FC  ihagarika kugura imodoka
Imisoro yatumye Amagaju FC ihagarika kugura imodoka

Ubuyobozi bw’ikipe y’Amagaju buravuga ko umwenda bubereyemo ikigo cy’igihugu cy’imisoro n’Amahoro “RRA” yatumye buba buhagaritse umushinga wo kugura imodoka yo mu bwoko bwa “Coaster” yari kujya itwara (...)

APR FC yagaragaje ihuzagurika mu kwitegura imikino yo muri iki cyumweru
APR FC yagaragaje ihuzagurika mu kwitegura imikino yo muri iki cyumweru

Ejo: Mukura-APR FC (Huye-15h30) Ikipe ya APR FC ya kabiri ku rutonde n’amanota 35 irakirwa na Mukura ya 10 n’amanota 19 inasoza urugendo rwayo rw’imikino ikinira mu Ntara y’Amajyepfo. Ni urugendo (...)

Abatoza b’Abanyarwanda 2 bazajya bakura impamyabushobozi mu Budage buri mwaka
Abatoza b’Abanyarwanda 2 bazajya bakura impamyabushobozi mu Budage buri mwaka

Ubuyobozi bw’ishyirahamwe ry’umupira w’amaguru mu Rwanda “FERWAFA” n’iry’u Budage “DFB” basinyanye amasezerano y’ubufatanye yo guteza imbere umupira w’amaguru w’u Rwanda. Ni amasezerano yasinywe na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.