Advertisement
 
 
 
 
 
 
 
 

Siporo | Siporo Mu Rwanda

Police FC: Amahirwe yo gutwara igikombe arabarirwa ku ntoki   

  Yanditswe na BUGINGO FIDELE
 April 2016

 
 

Nyuma yo gutsindwa na APR FC ibitego 2-1 mu mukino w’umunsi wa 18 wa shampiyona wabaye umukino wa Kabiri Police FC itsinzwe yikukiranya, umutoza Casa yatangaje ko Police FC amahirwe ari make yo kuba yakwegukana igikombe cya shampiyona cy’uyu mwaka w’imikino 2015-2016.

Umutoza wa Police FC, Casa Mbungo Andre yagize ati “Mu mibare birashoboka, ariko burya utwara igikombe atsindwa nka 3 gusa, urebye ubu APR FC iturusha amanota 9, ni ukuvuga ko idashobora gutsindwa gatatu kongeraho inshuro 2 imaze gutsindwa. Birashoboka ariko amahirwe ni make”.

Casa yaragutse ku iyirukanwa rye muri Police FC

JPEG - 113.5 kb
Umutoza Casa avuga ko Police FC ifite amahirwe make yo kwegukana igikombe

Byaravuzwe mu itangazamakuru ko umutoza Casa usigaje umwaka ku masezerano afitanye na Police FC ashobora gusezererwa. Kuri we asanga mu myaka ibiri amaze muri iyi kipe hari ibyo yayigejejeho.

Ati “ Police FC yatojwe na Goran na Sam Ssimbwa bagiye nta gikombe bayihaye njyewe sindarangiza n’imyaka ibiri y’imikino ariko bafite igikombe cy’Amahoro , igikombe cy’Agaciro, icyo kurwanya ruswa, bafite ibikombe bihagije, gusa ntibivuze ko badashaka n’icya shampiyona nanjye ndacyifuza”.

Uyu mutoza akomeza avuga ko buri mwaka ikipe itagomba gutwara igikombe cyangwa uko izanye umutoza agomba gutwara igikombe. Yikomye abanyamakuru b’imikino mu Rwanda.

Ati “Mwese muri Abanyarwanda ariko mwifuza ko Umunyarwanda bamwirukana, ntawigeze avuga ngo Goran cyangwa Ssimbwa bamwirukane”. Casa avuga ko nta bwoba afite ko n’ubwo yava muri Police FC yajya no gutoza ahandi yewe no hanze y’u Rwanda.

Nyuma yo gutsindwa imikino ibiri, Casa avuga ko gutsindwa bitavuze ko hari ikitagenda mu ikipe. Aha yasobanuye impamvu batakaje imikino ibiri ikurikiranye.

Ati “ Uwo mwahuye ashobora gukina neza akagutsinda. Umukino wa Bugesera wari utandukanye n’uwo twakinnye na APR FC”.

Asobanura byimbitse yagize ati “Bugesera yari imeze neza, bakinnye taliki 15, dukina taliki 17 duhura taliki 20 baruhutse amasaha arenze 48, gusa iyo si iyo mpamvu, ntabwo twakinnye neza, ikibuga ntabwo cyari cyiza cyane, gusa ku mukino wa APR FC biratandukanye, aha twashoboraga gutsinda ariko none ntibishobotse”.

Muri uyu mwaka w’imikino 2015-2016, Police FC imaze gukina imikino 18, yatsinze 8 inganya 7 itsindwa imikino 3, bituma iza ku mwanya wa 5 n’amanota 31. Umukino w’umunsi wa 19, Police izakina na Rwamagana City FC.

Mu mibare kuva Casa yagera muri Police FC muri 2014 amaze gukina imikino 60 hatarimo iya gicuti (44 ya shampiyona, 6 y’igikombe cy’amahoro, imikino 6 ya CECAFA n’imikino 4 ya CAF Confederation Cup ), muri yo yatsinze imikino 30, anganya 20, atsindwa 10.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.