2017-08-21 15:16:56 clouds 27o High | Kigali Rwanda

Dukurikire:
 
 

Perezida wa Mukura yagaragaje igituma ruhago yo mu Rwanda idashorwamo imari

Yanditswe na IMVAHO NSHYA

Kuya 2016-08-16 08:59:39

 
Share on:
 
Yasuwe:14
 
Yavuzweho:200
 
10
 
10

Perezida wa Mukura VS akaba n’umwe mu baterankunga b’iyi kipe, Nizeyimana Olivier yavuze ko kuba bigoranye kugaruza amafaranga washoye ari yo mpamvu nyamukuru ituma abantu banga gushora amafaranga yabo mu makipe y’umupira w’amaguru yo mu Rwanda.

Ibi yabivuze abisubiza Imvaho Nshya ku kibazo cy’inyungu ziba mu gufasha amakipe yo mu Rwanda, nyuma y’uko yiyemeje gutanga muri Mukura miliyoni 25 buri mwaka zinyuzwa muri Sosiyete ye itwara abagenzi ya Volcano, akanongeraho imodoka na Lisansi yo gutwara abakinnyi b’iyi kipe aho yakiniye hose.

Nizeyimana yavuze ko kuri we abikora nk’umuntu ukunda Mukura naho ngo abikoze muri businesi yahomba kuko bigoye kugaruza amafaranga washora mu ikipe.

Ati “Muri iki gihugu biracyagoye, mu Rwanda abantu babikora nko gufasha. Ni nayo mpamvu amakipe menshi atabona abaterankunga. Gutera inkunga Mukura nka Olivier cyangwa se nka Volcano si ikindi ni uko nyikunda nkaba ndi n’umwe mu banyamuryango bayo’’.

JPEG - 125.5 kb
Perezida akaba n’umuterankunga w’ikipe ya Mukura Nizeyimana Olivier avuga ko impamvu abaterankunga babura ari uko nta nyumgu babona

Kuri Nizeyimana, ikibazo cy’umubare muke w’abafana ku bibuga ni kimwe mu mbogamizi ku bashoramari, ariko bikaba bikwiye guhinduka bikava ku rwego rwo gutanga inkunga bikaba gufatanya ibikorwa aho buri wese yungukira mu bufatanye.

Ati “Mu bihugu byateye imbere mu mupira, biba ari ubufatanye. Ugafasha ikipe wizeye ko hari icyo uzabona. Ibyo ni byo tutarageraho u Rwanda rurimo ruratera imbere, kandi abantu batekereza kuri businesi, buri wese ashaka kugira ngo abone inyungu. Nk’ubu Mukura ifite abantu benshi bitanga, ariko turimo kugerageza kugira ngo tujye mu bya Businesi aho buri wese yakunguka”.

Ikibazo cy’abafatanyabikorwa ni kimwe mu bihangayikishije abayobozi ba Mukura baheruka kwemeza ko bazakoresha miliyoni 159 zirimo miliyoni 102 z’Akarere ka Huye, miliyoni 25 za Volcano na miliyoni 15 za Fahico Ltd .

Nizeyimana uyobora iyi kipe avuga ko hari gutekerezwa uburyo hajyaho umushinga washyigikira Mukura mu buryo burambye no mu gihe nk’Akarere kaba gakuyemo inkunga.

Nizeyimana yagizwe Perezida wa Mukura VS mu 2011, yongera gutorerwa manda ya kabiri y’imyaka 4 ari nayo ya nyuma muri 2015.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE