2017-06-27 13:41:38 clouds 27o High | Kigali Rwanda

Dukurikire:
 
 

Okoko yashyize asinya amasezerano muri Mukura

Yanditswe na IMVAHO NSHYA

Kuya 2016-08-24 09:05:08

 
Share on:
 
Yasuwe:0
 
Yavuzweho:200
 
10
 
10

Nyuma y’ibiganiro byari bimaze ukwezi n’igice, ikipe ya Mukura VS yahaye amasezerano mashya y’umwaka umwe, Okoko nk’umutoza mukuru wayo.

Ni ibiganiro byari byaratangiye muri Nyakanga 2016 nyuma y’uko shampiyona irangiye ndetse impande zombi zirumvikana hasigara gusa gushyira umukono ku masezerano.

Ibyo gushyira umukono ku masezerano byaje gutinzwa n’uko Okoko yahise asubira i Burundi kureba umuryango we. Nyuma yo kugaruka ni bwo ku wa Mbere taliki 22 Kanama 2016 yashyize umukono kuri aya masezerano yiyemeza kuzatwara kimwe mu bikombe bikinirwa hano mu Rwanda.

JPEG - 82.7 kb
Okoko nyuma yo gusinya amasezerano y’umwaka umwe muri Mukura yiyemeje gutwara igikombe

Nyuma yo gusinya aya masezerano, Okoko yagize ati ’’Intego yanjye ni uguteza imbere abana, uko batera imbere ni nako umupira w’ikipe uzazamuka’’. Yungamo ati ’’Umutoza ni we kipe, akoresha abakinnyi afite. Umwaka ushize twari dufite abakinnyi beza, ariko n’abo twazanye tuzi ko ari abatekinisiye bakaba banafite ubushake. Tuzakora twese kandi buri wese ashaka kwiyubakira izina’’.

Ni mu gihe iyi kipe yamaze kugura abakinnyi bashya ari bo Bukuru Christophe, Ndikumana Patrick, Bagiyrayezu Fabien, Djumaine Hassan (Rwamagana City FC), Simpenzwe Hamidu, Hassan (Marines) bose bahawe amasezerano y’imyaka ibiri.

Iyi kipe ya Mukura yanatakaje abakinyi barimo Hakizimana Muhadjiri wagiye muri APR FC na Ndayishimiye Celestin wagiye muri Police FC. Mukura VS yaraye inatangiye imyitozo yo kwitegura shampiyona n’irushanwa ryateguwe na AS Kigali.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE