2017-12-13 09:46:30 clouds 27o High | Kigali Rwanda

Dukurikire:
 
 

Nzajya mu ikipe izampa amafaranga azanantunga mvuye mu mupira - Niyonzima Haruna

Yanditswe na IMVAHO NSHYA

Kuya 2017-06-02 06:09:08

 
Share on:
 
Yasuwe:1010
 
Yavuzweho:200
 
10
 
10

Kapiteni w’ikipe y’igihugu y’umupira w’amaguru “Amavubi”, Haruna Niyonzima yemeje ko atazasubira mu ikipe ye ya Young Africans yo muri Tanzania, ashimangira ko azerekeza mu ikipe izamuha amafaranga azamufasha kubaho nyuma yo gusoza ubuzima bwo gukina.

Niyonzima umaze imyaka itandatu muri iyi kipe yaherukaga gutorwa nk’umukinnyi mwiza uva hanze ya Tanzania muri shampiyona ya 2016-2017 ndetse yagize n’uruhare mu guhesha igikombe cya shampiyona cy’uyu mwaka iyi kipe.

Mu magambo, Haruna Niyonzima avuga ko atazaguma muri Young Africans gusa yerekana ko ibijyanye n’ahazaza he azabivugaho nyuma y’ukwezi.

Ati ’’Ntabwo nshaka kubivugaho ubu nshyize umutima ku ikipe y’igihugu, ubundi nari mu kiruhuko ariko kuko ari ikipe yanjye y’igihugu ni yo mpamvu naje. Naho ubundi numvaga nshaka kujya hanze y’umupira n’umuryango kandi turi mu gisibo ni igihe cyo gusenga no gusaba ariko ibigendanye n’umupira nzabivugaho nka nyuma y’ukwezi’’.

JPEG - 317.5 kb
Kapiteni w’Amavubi Niyonzima Haruna Haruna wemeje ko atazongera gukinira Young African

Abajijwe ikipe azerekezamo, Niyonzima yavuze ko yifuza kujya mu ikipe izamufasha kubona amafaranga yo kumubeshaho nyuma yo gusoza gukina.

Ati ’’Niba naratangaje ko nshaka kuva muri Tanzania ni uko nzi ko hari aho nshaka kujya n’ubwo na bo bakinyifuza ariko ku bwanjye ibyo nakoze birahagije ibyo ntabakoreye numva ntabikora mu myaka igiye kuza. Narabafashije bishoboka, nabakiniye umupira numva ari ibintu bihagije. Ubu ku myaka mfite sintekereza ngo nzajya gukina aha, ndareba ahantu nakina nkanabona n’amafaranga kuko maze kugira umuryango ndifuza rero ko nindeka umupira umuryango wanjye uzabaho nk’uko mbyifuza’’.

Niyonzima anashimira bikomeye abantu bose bamufashije, abamusengeye mu buzima bwo muri Tanzania.

Ati “Ntabwo byari byoroshye ariko ndabishimira Imana. Urabona muri Tanzania haragoye, ntibajya bemera (umuntu), ibintu byose wakora barapinga. Ni abantu bapinga cyane! icyo njye nshimira Imana ni uko narangije ndi muzima ikindi kuba umukinnyi mwiza uva hanze ni ibintu bishimishije ni ibintu nanjye nifuzaga. Nk’uko nagiye mbivuga ntabwo nifuza gukomeza gukina muri Tanzania, numvaga nabasezera neza. Ni ibintu nshimira Imana abafana banjye n’umuryango wanjye’’.

Niyonzima Haruna mbere yo kwerekeza muri Young Africans muri 2011 yaciye mu makipe atandukanye arimo Etincelles FC y’i Rubavu aho avuka, Rayon Sports ndetse na APR FC yamazemo imyaka 4 (2007-2011).

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE