Advertisement
 
 
 
 
 
 
 
 

Siporo | Siporo Mu Rwanda

Nyuma ya Jenoside umukino wo gusiganwa ku magare wari warazimye   

  Yanditswe na Dusingizimana Remy
 April 2016

 
 

Jenoside yakorewe abatutsi mu Rwanda muri Mata 1994 yashenye byinshi muri siporo Nyarwanda, isiga Abakinnyi, abatoza, abaterankunga n’abafana bahaburiye ubuzima.

Perezida w’umukino wo gusiganwa ku magare mu Rwanda “FERWACY”, Bayingana Aimable atangaza ko mu mikino yashegeshwe na Jenoside, umukino wo gusiganwa ku magare urimo.

Ati “Nyuma ya Jenoside wamaze imyaka irenga 5 usa n’ uwazimye aho wongeye kuzahuka mu mwaka wa 2000”.

Mu kiganiro Perezida wa FERWACY, Bayingana yagiranye n’Imvaho Nshya yagize byinshi atangaza ku bibyo bateganya gukora muri iyi minsi yo kwibuka Jenoside ku nshuro ya 22.

JPEG - 395.3 kb
Perezida wa FERWACY, Bayingana

Avuga ko taliki 14 Gicurasi 2016 hari isiganwa rizahagurukira i Bugesera rikanyura mu mujyi wa Kigali.

Ati “ Muri iri siganwa tuzatambutsa ubutumwa bwo kwamagana Jenoside n’ingengabitekerezo yayo”.

Kugeza ubu nta mibare ihamye y’abari muri uyu mukino mukino bahitanywe na Jenoside. Bayingana yagize ati “Ni byo koko hari abakinnyi, abatoza ndetse n’abafana bacu bahitanywe na Jenoside duhora twibuka gusa imibare iracyakomeza kuza uko tugenda tubona amakuru hirya no hino aho bari batuye”.

Ku bijyanye n’ingaruka Jenoside yateje muri uyu mukino, yagize ati “Ingaruka ni nyinshi hari abakinnyi bacu bakundaga uyu mukino ndetse bahatanaga uko bishoboka bishwe, abaterankunga nabo bari benshi hari n’umubare munini w’abafana bishwe muri Jenoside. Ingaruka zo gutakaza aba bantu zatumye umukino wacu usa n’uzimye aho waje kongera kuzahuka mu 2000”.

Bayingana yatanze inama ku bakinnyi

Perezida wa FERWACY yagize inama aha abakinnyi b’uyu mukino.

Ati “Jenoside yatewe n’abantu ni nabo bayihagarika, abakinnyi bakagombye kurushanwa gusa ntibagire ibintu by’urwango bibasigaramo aho bumva ko kuba mugenzi wabo yabatsinze bitumvikana bakifuza kumwihimuraho, ibyo ntabwo bikwiye umukinnyi w’uyu mukino w’amagare. Buri mukinnyi wese akwiye kwamagana ingengabitekerezo ya Jenoside aho iva ikagera ahubwo agaharanira iterambere ry’umukino w’amagare”.

Bamwe mu bari mu mukino wo gusiganwa ku magare bazize Jenoside

Urutonde rumaze kujya ahagaragara rw’abazize Jenoside yakorewe abatutsi muri Mata 1994 muri uyu mukino harimo Gasinzigwa Edouard (Umukinnyi-Cinee Elmay), Gahutu Theophile (Umukinnyi - Cinee Elmay), Kayumba (Umukinnyi - Club Rwamagana), Kayibanda (Umukinnyi - Club Rwamagana), Ariette (Umukinnyi - Club Gisenyi) , Musoni Francois (Umukinnyi - Club Butare), Sakumi Anselme (Visi-Perezida wa FERWACY) na Gasato (Umukanishi w’ikipe y’igihugu).

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.