Advertisement
 
 
 
 
 
 
 
 

Siporo | Siporo Mu Rwanda

Nyuma y’umunsi wa 29, shampiyona y’u Rwanda irasubikwa   

  Yanditswe na BUGINGO FIDELE
 June 2016

 
 

Uyu munsi

Bugesera-AS Muhanga(Nyamata-15h30), Gicumbi-Kiyovu (Gicumbi-15h30), ASKigali-Police (Nyamirambo-15h30)
Sunrise FC-Espoir (Rwamagana-15h30), Marines FC-APR FC (Rubavu-15h30), Musanze-Rwamagana (Musanze-15h30), Rayon-Amagaju (Nyamirambo-18h00)

Umukino wabaye

Etincelles 1-1 Mukura

Shampiyona y’u Rwanda mu mupira w’amaguru irakomeza uyu munsi taliki 15 Kamena 2016, hakinwa imikino y’umunsi wa 29 ari na wo ubanziriza umunsi wa nyuma wa shampiyona, gusa imikino y’uyu munsi nisozwa, shampiyona irasubikwa izongere gusubukurwa taliki 07 Nyakanga 2016.

JPEG - 227.1 kb
APR FC niyitwara neza igatsinda Marines FC iraba yegukanye igikombe cya shampiyona

Bugesera irakina na AS Muhanga iri ku mwanya wa nyuma ndetse ikaba ishobora no gusubira mu cyiciro cya kabiri. Ikipe ya Gicumbi FC irakira Kiyovu, AS Kigali iheruka gutakaza imbere ya Mukura yakire Police, Sunrise ikine na Espoir, Musanze yakire Rwamagana, umukino ukomeye uko itsindwa ishobora kwisanga yasubiye mu cyiciro cya kabiri.

Mu mikino itegerejwe cyane, hari uwa Marines FC igomba kwakira APR FC ndetse na Rayon Sports irakira Amagaju FC.

N’ubwo mu myaka yashize APR FC itajyaga itakaza amanota imbere ya Marines FC kuko yose ari amakipe ya gisirikare, muri uyu mwaka umukino ubanza kuri Sitade ya Kigali i Nyamirambo amakipe yombi yanganyije 0-0, aha umuntu akaba yakwibaza n’ubu niba bishoboka dore ko iyi kipe iza gukinira ku kibuga cyayo.

Ikipe ya Rayon Sports ifite imikino y’ibirarane 3, nayo ifite amahirwe yo kwegukana igikombe irakira Amagaju FC kuri Sitade ya Kigali i Nyamirambo saa kumi n’ebyiri nyuma y’umukino wa AS Kigali na Police.

Iyi kipe ariko ikaba ifite ibibazo ahanini bishingiye ku mikoro aho abakinnyi bamaze amezi 3 badahembwa ndetse bakaba bari banze gukora n’imyitozo, ibintu byayigora gutsinda imikino isigaranye ngo ifate APR FC ubu iyirusha amanota 10.

Umukino waraye ubaye, Etincelles FC yanganyije na Mukura igitego 1-1. Kugeza ubu APR FC irayoboye n’amanota 64, Mukura na 57 na Rayon Sports na 54.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.